M.FUTBOLL.TV

Otabek Narzullaev: "Menga yoqqan tomoni - futbolchilarimiz oxirigacha kurashdi"

01.08.2025 23:48 Ўқилди: 123

- O'yin qiyin kechishini bilardik. "Paxtakor" yaxshi va kuchli jamoa, ularga qarshi o'yinlar oson bo'lmaydi. Biz ham astoydil harakat qildik, ammo omad kelmadi. "Paxtakor"ni g'alaba bilan tabriklayman. Kamchiliklarimiz bor va buning ustida ishlaymiz. Menga yoqqan tomoni - jamoamiz oxirigacha kurashdi. Shunday kurashishda davom etsak, natija albatta keladi.

- Jamoangiz ancha yosharibdi. U-21 jamoasidan besh nafar futbolchi "Mashal"ning asosiy tarkibiga o'tganini eshitdik. Shu haqda nima deya olasiz?

- "Mashal" doim yoshlarga etibor qaratib kelgan. Qolaversa, Muborakdagi akademiyamiz ham shu maqsadda ishlayapti. Baribir qachondir yoshlar ham o'ynashi kerak-ku. Ikkinchi davrada ko'proq yoshlar xizmatidan foydalanishga harakat qilamiz. Akademiya ishlab tursa futbolchilar etishib chiqaveradi. Qachonki biz ularga ishonch bildirsak, ular ham shunga monand o'sib boradi.

- Bugungi o'yinda zaxira almashtirishlar qanchalik o'zini oqladi?

- Endi jamoa mag'lub bo'lganida hammasi zo'r bo'ldi deya olmaysan. O'tkazib yuborilgan golda ham hamma aybdor bo'ladi. Aytganimdek, "Paxtakor"ga qarshi qiyin bo'lishini bilardik. Zaxiradan tushganlar esa o'zini ko'rsata oldi.

- Jamoa sizga to'liq moslashdimi?

- Men "Mashal" uchun yangi odam emasman. Ko'p futbolchilar bilan oldin ham birga ishlaganmiz. 2019 yil Muborakka kelgan bo'lsam, bu orada yoshlar jamoasida ishladim, asosiy jamoada bosh murabbiy yordamchisi bo'ldim. Rahbariyat menga ishonib bosh murabbiylikni topshirgan ekan, men ham bu ishonchni oqlashga harakat qilaman.