M.FUTBOLL.TV

"Chelsi" 2027 yil uchun yirik transferni ko'zlamoqda

07.09.2026 14:32 Ўқилди: 133

Manbalarning xabariga ko'ra, "aristokratlar" 23 yoshli angliyalik futbolchini 2027 yilning yozida qo'lga kiritish imkonini beradigan bitimni "Bornmut" bilan muhokama qilishga tayyor.

Boshqa variantlarga qiziqish saqlanib qolayotganiga qaramay, "Chelsi" Skottni asosiy transfer maqsadi sifatida belgilab olgan.

"Bornmut" butun yoz davomida o'zining yetakchi o'yinchilarini sotish niyatida emasligini bildirib keldi. Skott va Krupi jamoa olib qolishga qatiy qaror qilgan futbolchilar qatorida bo'ldi.

Bungacha "Chelsi" mazkur transfer uchun qariyb 80 million evro ajratishga tayyor edi, biroq bu taklif rad etilgan.

Shu bilan birga, BBC tarqatgan xabarga ko'ra, futbolchining o'zi 2026 yilda "Bornmut" bildirgan yangi shartnoma bo'yicha taklifni qabul qilmagan.

2026 yilgi yozgi transfer oynasida Skottga "Arsenal", "Manchester Yunayted", "Tottenxem" va "Manchester Siti" ham qiziqish bildirgandi. Iyun oyida BBC "Arsenal"ning taklifi ham "Bornmut" tomonidan rad etilgani haqida yozgandi.

Skott 2023 yilning avgustidan buyon "Bornmut" safida o'ynab keladi. Uning shartnomasi 2028 yil 30 iyungacha amal qiladi.

Yarim himoyachi 2025/26 yilgi mavsum 39 ta uchrashuvda 4 ta gol urdi va 1 ta golli uzatmani amalga oshirdi.

Transfermarkt portali o'yinchining transfer qiymatini 50 million evroga baholamoqda.