M.FUTBOLL.TV

“Kuchli beshlik sharhi”: Angliyada grandlar sinovi, Ispaniyada “Real” va “Barsa” poygasi, Bundesligada yangi mavsum

29.08.2026 02:16 Ўқилди: 5226

“Kuchli beshlik sharhi” loyihasida uikendning asosiy uchrashuvlari va jamoalarning ular oldidan qanday holatda ekaniga nazar tashlaymiz.

Angliya Premer-ligasi

APLning 2-turi “Manchester Siti”ning yirik g'alabasi bilan boshlandi. Mareska jamoasi safarda “Kristal Pelas”ni 4:1 hisobida mag'lub etdi. Erling Holand dubl qayd etdi, Rayan Sherki ham gol urdi. “Siti” shu tariqa ikki o'yindan keyin 6 ochko to'pladi va startdayoq raqiblariga ochko yo'qotish uchun ko'p imkoniyat bermasligini ko'rsatmoqda.

Endi asosiy e'tibor “Liverpul”, “Manchester Yunayted” va “Arsenal”ga qaratiladi. “Liverpul” birinchi o'yinda “Nyukasl” bilan durang qayd etdi va endi “Nottingem Forest”ni qabul qiladi.

“Manchester Yunayted”da vaziyat og'irroq. Mankunianliklar chempionatni mag'lubiyat bilan boshladi, endi esa birinchi turda g'alaba qozongan “Ipsvich”ni qabul qiladi. Ikkinchi o'yinda ham ochko yo'qotilsa, jamoa atrofida bosim ancha erta boshlanadi.

“Arsenal”ni esa jiddiyroq safar kutyapti. Londonliklar “Aston Villa” mehmoni bo'ladi. “Arsenal” birinchi turni ishonchli o'tkazdi, “Villa” esa 0:4 hisobida mag'lub bo'ldi. Biroq chempionlik uchun kurashda aynan shunday safarlar muhim - “Siti” ochko yo'qotmayotgan paytda “Arsenal” ham ortda qolmasligi kerak.

2-tur taqvimi:

“Liverpul” - “Nottingem Forest” - 29 avgust, 16:30
“Bornmut” - “Everton” - 29 avgust, 19:00
“Koventri” - “Xall” - 29 avgust, 19:00
“Tottenxem” - “Nyukasl” - 29 avgust, 21:30
“Chelsi” - “Brayton” - 30 avgust, 18:00
“Lids” - “Brentford” - 30 avgust, 18:00
“Sanderlend” - “Fulxem” - 30 avgust, 18:00
“Manchester Yunayted” - “Ipsvich” - 30 avgust, 20:30
“Aston Villa” - “Arsenal” - 1 sentyabr, 00:00

Ispaniya La Ligasi

La Ligada ikki turdan keyin “Barselona” va “Real” maksimal natija bilan ketyapti. Har ikki jamoada 6 tadan ochko bor. Shuning uchun hozircha Ispaniyadagi asosiy savol oddiy: ikki granddan qay biri birinchi bo'lib ochko yo'qotadi?

Bu turda ularning ikkalasi ham o'z maydonida o'ynaydi. “Real” “Malaga”ni qabul qilsa, “Barselona” “Rayo Valekano” bilan kuch sinashadi. Qog'ozda ikkisi ham favorit, lekin chempionlik poygasida bunday o'yinlarda yo'qotilgan ochkolar keyin qimmatga tushishi mumkin.

“Atletiko” esa allaqachon ochko yo'qotishga ulgurdi. Madridliklar ikki turdan keyin 4 ochkoga ega va bu safar ikki o'yinda ikki g'alaba qozongan “Sevilya” mehmoni bo'ladi.

3-tur taqvimi:

“Alaves” - “Vilyarreal” - 29 avgust, 00:30
“Levante” - “Betis” - 29 avgust, 20:00
“Real Sosedad” - “Espanol” - 29 avgust, 22:00
“Sevilya” - “Atletiko” - 30 avgust, 00:30
“Real” - “Malaga” - 30 avgust, 20:00
“Deportivo” - “Valensiya” - 30 avgust, 22:30
“Selta” - “Atletik” - 31 avgust, 00:30
“Osasuna” - “Xetafe” - 31 avgust, 22:30
“Barselona” - “Rayo Valekano” - 1 sentyabr, 00:30

Fransiya Liga 1

Fransiyada PSJning mavsum boshidagi muammolari davom etdi. Parijliklar birinchi turda “Renn” bilan durang o'ynagandi, ikkinchi turda esa “Lill” mehmonida 2:2 hisobini qayd etdi. Bu safar Luis Enrike jamoasi mag'lubiyatga juda yaqin keldi: “Lill” so'nggi daqiqalargacha 2:0 hisobida oldinda borayotgandi. Vitinya 90+1-daqiqada farqni qisqartirdi, Markinos esa 90+5-daqiqada PSJga bir ochko olib keldi.

Shu tariqa PSJ dastlabki ikki turda ham g'alaba qozona olmadi. Chempionat endi boshlangan bo'lsa-da, odatda Fransiyada boshqalardan tez uzilib ketadigan jamoaning ikki o'yindan keyin 2 ochkoda qolishi raqobatchilar uchun yaxshi imkoniyat.

Shu nuqtayi nazardan “Monako” - “Marsel” uchrashuvi yanada qiziq bo'lib qoldi. Ikki jamoa ham birinchi turni g'alaba bilan o'tkazgan, “Marsel” esa to'rtta javobsiz gol urgandi. Ulardan biri ikkinchi g'alabani ham qo'lga kiritsa, PSJning startdagi ochko yo'qotishlaridan foydalanib qoladi.

2-tur taqvimi:

“Strasbur” - “Lans” - 29 avgust, 20:15
“Oser” - “Anje” - 29 avgust, 23:45
“Brest” - “Tuluza” - 29 avgust, 23:45
“Loryan” - “Trua” - 29 avgust, 23:45
“Lion” - “Gavr” - 29 avgust, 23:45
“Parij” - “Nicca” - 30 avgust, 18:00
“Renn” - “Le-Man” - 30 avgust, 20:15
“Monako” - “Marsel” - 30 avgust, 23:45

Italiya A Seriyasi

A Seriyaning 2-turi “Milan”ning g'alabasi bilan boshlandi. “Rossoneri” o'z maydonida “Veneciya”ni 2:0 hisobida engdi. Birinchi bo'limda hisob ochilmadi, ikkinchi bo'limda esa Adrien Rabo gol urdi, so'ng mehmonlar futbolchisi Patrik Xalxal avtogol muallifi bo'ldi. “Milan” birinchi turdagi g'alabadan keyin bu safar ham ochko yo'qotmadi va ikki o'yindan 6 ochko to'pladi.

Endi navbat qolgan favoritlarga. “Inter” startda “Monca”ni 4:1 hisobida engdi va bu safar “Kalyari” mehmoni bo'ladi. “Napoli” esa birinchi turda “Jenoa”dan 2:0 hisobida ustun keldi, endi “Komo”ni qabul qiladi. “Milan” olti ochko bilan oldinga chiqib olganidan keyin ikki jamoaga ham javob qaytarish kerak.

“Roma” ham birinchi turda yaxshi taassurot qoldirdi - rimliklar “Fiorentina”ni 4:0 hisobida mag'lub etdi. Endi jamoa “Lechche” mehmoni bo'ladi. “Yuventus” esa “Parma”ni qabul qiladi. A Seriyada favoritlar startni deyarli bir xil boshlagani uchun hozircha har bir ochko yo'qotish jadvalda darrov seziladi.

2-tur taqvimi:

“Fiorentina” - “Frozinone” - 29 avgust, 21:30
“Monca” - “Udineze” - 29 avgust, 21:30
“Sassuolo” - “Torino” - 29 avgust, 21:30
“Yuventus” - “Parma” - 29 avgust, 23:45
“Napoli” - “Komo” - 30 avgust, 21:30
“Kalyari” - “Inter” - 30 avgust, 23:45
“Lacio” - “Jenoa” - 30 avgust, 23:45
“Lechche” - “Roma” - 31 avgust, 21:30
“Atalanta” - “Bolonya” - 31 avgust, 23:45

Germaniya Bundesligasi

Bundesligada yangi mavsum “Bavariya”ning kuchli starti bilan boshlandi. Myunxenliklar “Shtutgart”ni 5:1 hisobida mag'lub etdi. Birinchi bo'limda faqat bitta gol urilgan bo'lsa, tanaffusdan keyin o'yin ochilib ketdi va “Bavariya” raqibini yirik hisobda engdi.

Endi asosiy e'tibor “Borussiya Dortmund”, “Bayer” va “Leyptsig”ga qaratiladi. Dortmundliklar “Gamburg”ni qabul qiladi, “Bayer” “Elversberg” mehmoni bo'ladi, “Leyptsig” esa “Borussiya Myunxengladbax” bilan o'ynaydi. “Bavariya” mavsumni 5:1 bilan boshlagan bir paytda uning asosiy raqobatchilari startdayoq ortda qolmaslikka harakat qiladi.

Birinchi turning yana bir qiziq tomoni - Bundesligaga qaytgan klublar. “Shalke” yangi mavsumni “Augsburg” mehmonida boshlaydi, “Paderborn” esa “Maync” bilan o'ynaydi. Ayniqsa “Shalke”ning elitaga qaytishi Germaniya futboli uchun qiziq voqea - endi klub oldidagi birinchi vazifa Bundesligada o'rnini mustahkamlash bo'ladi.

1-tur taqvimi: