M.FUTBOLL.TV

Aleksandr Xomyakov: "Bahs oxirlarida diqqatni bir joyga jamlay olmadik"

08.11.2026 20:24   Ўқилди: 276

- O'yin haqida fikringiz?
- O'yinni ko'rdingiz, etarli darajada hayajonli bahs bo'ldi. Bu xuddi derbi uchrashuviga o'xshab ketdi. Qolaversa turnir jadvalidagi o'rindan kelib chiqib o'yin qiziqarli bo'lishi kutilgan edi. Yashirmayman, bizda qandaydir muammolar bor, negadir g'alaba uchun kurasha olmadik, lekin yutqazib qo'yishni ham xohlamagandik.

Bir tomondan yutqazganimiz, ikkinchi tomndan qizil kartochka olganimiz alam qilyapti. Bahs oxirlarida diqqatni bir joyga jamlay olmadik va gol o'tkaib yubordik. Bu gol umuman kerak emasdi. Uchrashuvning to'liq kartinasini oladigan bo'lsak, reja bo'yicha o'tkazdik. 69-daqiqadan keyin o'yinni kuchaytirmoqchi edik, lekin teskarisi bo'ldi. "Nasaf" tig'iz taqvimda o'ynayotganini bilardik va shunga ko'ra hozirlik ko'rgandik. Bahsning asosiy qismini himoyada o'tkazdik, raqib esa o'z vaziyatlaridan foydalanishga harakat qildi. Nailoj, harakat qilishda davom etamiz.

- O'tgan tur barcha o'yinlarda 5ta qizil kartochka ko'rsatilgandi, bu tur ham kartochkalarsiz o'tmayapti. Murabbiy sifatida buni qanday izohlaysiz, chempionat oxiriga kelib charchoq tufaylimi yoki hamma asabiylashib ketdimi?
- Fikringizga qo'shilaman, rostan kartochkalar ko'p bo'lyapti. Futbolchilar ham charchagan. O'yinlar ham o'ziga yarasha hayajonli o'tyapti. Menimcha, ko'p narsa mavsum oxiri yaqinlashayotgani bilan bg'liq. Jamoalar har o'yinni yutishga harakat qilyapti, buning oqibatida chetlatishlar yuzaga kelyapti.

- Bugungi bahsda Javohir Ro'zievning yo'qligi bilindimi?
- Unda to'rtta sariq kartochka borligi sabab o'ynay olmadi. Shu bois bugungi o'yinni o'tkazib yubordi. Xursand qilgani jihati, Quvondiq Ro'ziev umumiy guruhda shug'ullanib bugun maydonga tushdi. Qaysidir futbolchimizning o'ynay olmasligi boshqa futbolchiga imkon beradi va shu orqali rotaciya qilamiz.

- "Buxoro"ni endi qabul qilib olganingizda Superligada olib qolishni uddalay olgan edingiz. Bu yil esa hatto sovrinli o'rinlar uchun jamoa kurashmoqda. Yaqinda xushxabar eshitdik: klub bilan shartnomani uzaytiribsiz. Kelasi mavsumda muxlislar nimani kutsa bo'ladi?
- Eng muhimi, g'alabaga bo'lgan ishtiyoqni yo'qotib qo'ymasligimiz va har tur muxlislarni xursand qilishga harakat qilishimiz lozim. Keyingi mavsum oldidan o'tirib yaxshi reja tuzamiz va shunga qarab hozirlik ko'ramiz. Buning uchun avvalo viloyat hokimi bilan uchrashib, rejalarni gaplashib olishimiz kerak bo'ladi.

Futbol yangiliklari || Futbol habarlari || Футбол янгиликлари || Футбол хабарлари

Дўстларга юборинг: 

Бош сахифага қайтиш