M.FUTBOLL.TV

“Al Nassr" yangi egasiga ega bo'lishi mumkin

22.10.2026 11:40   Ўқилди: 1023

Semafor ma'lumotlariga ko'ra, Saudiya Arabistoni Davlat investiciya jamg'armasi (PIF) "Al Nassr"ning taxminan 800 million rial (yoki 213 million dollar) miqdoridagi qarzini yopish ustida ishlamoqda. Ushbu reja jamg'arma portfelidagi kompaniyalar bilan tuziladigan homiylik kelishuvlarini o'z ichiga oladi va ehtimoliy sotuv oldidan klub balansini mustahkamlashga qaratilgan.

Hisobotda aytilishicha, "RedBird Capital Partners" va uning hamkorlari "Al Nassr"ning 70% akciyasini sotib olish masalasida PIF bilan kamida ikki marta uchrashuv o'tkazishga ulgurgan. Potencial investorlar ushbu ulush uchun taxminan 1 milliard rial to'lashlari mumkin, bu esa qariyb 267 million dollarga teng.

Biroq muzokaralar hozircha dastlabki bosqichda. Jamg'armaga yaqin manba "RedBird"ning qiziqishini hozircha dastlabki deb atadi: yakuniy shartlar hali kelishilmagan va bitim amalga oshishiga hech qanday kafolat yo'q.

Krishtianu Ronaldu esa shunchaki jamoaning asosiy yulduzi bo'lib qolmasligi mumkin. Agar kelishuv muvaffaqiyatli yakunlansa, portugaliyalik hujumchi "Al Nassr"ning 20% akciyasiga ega bo'lishi kutilmoqda. Investorlar orasida "Saudi Media Company" kompaniyasi ham tilga olingan, biroq yakuniy mulkchilik tuzilmasi hali o'zgarishi mumkin.

"RedBird" "Milan" klubi egasi sifatida Yevropa futbolida allaqachon katta nufuzga ega. Takidlash joizki, "Al Nassr" Saudiya Arabistoni Pro ligasining rasmiy ma'lumotlariga ko'ra, 8 ta o'yindan so'ng 6 ta g'alaba bilan musobaqa jadvalida uchinchi o'rinda bormoqda.

Futbol yangiliklari || Futbol habarlari || Футбол янгиликлари || Футбол хабарлари

Дўстларга юборинг: 

Бош сахифага қайтиш