M.FUTBOLL.TV

"Andijon" "Neftchi"ga gol ura olmayapti, "Nasaf" yana "Paxtakor" oldida ojiz, Berdievda 500-o'yin - 17-tur faktlari

17.08.2026 13:24 Ўқилди: 212

Ayrim jamoalar ko'p yillik noqulay ananalarga chek qo'ygan bo'lsa, boshqalari uchun safardagi mag'lubiyatsiz yurishlar davom etdi. Quyida yakunlangan turning eng muhim raqamlari va e'tiborga molik statistik faktlarini havola etamiz.

- "So'g'diyona" 4 yildan so'ng yana "Surxon"ni safarda mag'lub etishga muvaffaq bo'ldi. Jizzaxliklar oxirgi marta 2022 yilda raqib maydonidan 3 ochko bilan qaytgan edi. Termiz klubi mezbon maqomidagi bundan avvalgi 3 ta bahsda 1:0, 1:0, 2:1 hisoblarida ustun kelgan.

- "Surxon"ning o'z maydonidagi g'alabasiz seriyasi 4 ta o'yinga etdi. Anvar G'ofurov shogirdlari o'z maydonidagi yakuniy muvaffaqiyatini 22 aprel kuni "Mashal"ga qarshi bahsda nishonlagandi.

- "Andijon" o'zaro to'qnashuvlarda ketma-ket 5 ta bellashuvdan beri "Neftchi" darvozasiga yo'l topa olmayapti. "Burgutlar"ning bu boradagi avvalgi natijali urinishi 2024 yilgi mavsumga to'g'ri keladi (2:2).

- Farg'onaliklarning "Andijon" ustidan safardagi zafarli seriyasi 4 ta o'yinga etdi. Andijonliklar ilgari 2016 yili o'z maydonida "Neftchi"dan 3 ochko tortib olishgan edi.

- Islom Ismoilov jamoasi joriy mavsum Superligada mehmonda eng ko'p ochko jamg'arib turibdi va begona maydondagi birorta bahsda imkoniyatni boy bermadi: 8 ta o'yin, 6 g'alaba, 2 durang, 20 ochko, to'plar nisbati 18:1.

- Bu yil safarda g'alaba qozonmagan 2 ta jamoa qoldi: "Qo'qon-1912" va "Mashal". Muborakliklar mehmon maqomidagi barcha 9 ta o'yinda mag'lub bo'lgan bo'lsa, Qo'qon jamoasi 9 ta bahsda 4 ochko jamg'ara oldi.

- "Buxoro" 7 yil o'tib o'z maydonida OKMKni engdi. Klub ilgari 2019 yili bu vazifani uddalagan edi (2:1).

- "Buxoro"ning o'z maydonidagi mag'lubiyatsiz seriyasi 4 ta o'yinga etdi. Jamoa uydagi oxirgi mag'lubiyatini shu yilning 22 aprel sanasida "Paxtakor"dan tan olgandi (0:1). Shundan so'ng Xomyakov shogirdlari "So'g'diyona" (2:1), "Bunyodkor" (1:0), "Lokomotiv" (2:1) va OKMK (2:0) jamoalari bilan bahslarda zafar quchdi.

- "Bunyodkor"ning Superligadagi g'alabasiz seriyasi 7 ta o'yinga etdi. "Qaldirg'ochlar" avvalroq 29 aprel kuni o'z maydonida "Navbahor" ustidan zafar quchgan edi.

- "Xorazm" Superliga doirasida "Dinamo"ni safarda yuta olmayapti. Samarqandda kechgan o'zaro o'yinlarning barchasida "Dinamo"ning qo'li baland kelgan (9 o'yin, 6 g'alaba, 3 durang).

- "Lokomotiv" uchun "Qo'qon-1912" noqulay raqibligicha qolmoqda. "Temiryo'lchilar" ketma-ket 6 ta o'yindan beri "shunqorlar"ni enga olishmayapti. Toshkent klubi raqibini ilgari 2020 yili yutgan (1:0). Keyingi 6 ta to'qnashuvda 2 ta durang va 4 bor qo'qonliklar g'alabasi qayd etilgan.

- "Qo'qon-1912"ning Superligadagi 5 o'yinlik g'alabasiz yurishiga bu tur barham berildi. Andrey Shipilov shogirdlari bundan avval 3 may kuni uyda "Bunyodkor"ni mag'lub etgandi (1:0).

- Ro'ziqul Berdiev Superliga doirasida 4 ta o'yindan beri Kamoliddin Tojiev boshchiligidagi "Paxtakor"ni mag'lub eta olayotgani yo'q. "Ajdarlar" ushbu raqibni 2024 yilning ikkinchi davrasida taslim qilishgan edi.

- Ro'ziqul Berdiev kecha "Nasaf" bosh murabbiyligidagi 500-uchrashuvini o'tkazdi.

- "Paxtakor" bu mavsumda mehmondagi o'yinlarda mag'lubiyat mag'lubiyat nimaligini bilmayapti: 6 g'alaba, 2 durang.

- Koffi Kuao "Neftchi" safidagi debyut uchrashuvidayoq o'z nomini tabloga yozdirib qo'ydi.