M.FUTBOLL.TV

Mirjalol Qosimov: "Afsus, ikkita oson golni o'tkazib yubordik"

04.08.2026 00:16   Ўқилди: 1596

- O'yin haqida fikringiz?
- "Nasaf" jamoasini g'alaba bilan tabriklayman. Qiynalib gol urdik, lekin ikkita oson golni o'tkazib yubordik. Shu ko'proq alam qilyapti. Ammo xursand qiladigan jihat ham bor: oxirigacha kurashish, muxlislar uchun oxirigacha o'ynash - shularni unutib qo'ymadik. Xatolarni ko'rib chiqamiz.

"Nasaf" avvalgi uchrashuvni to'rt nafar himoyachi bilan o'tkazgandi, bizga qarshi beshta himoyachi bilan o'ynadi. Buni kutgandik va shunga yarasha tayyorgarlik ko'rgandik. Afsus, ikki bor oson golni o'tkazib yubordik. Ikkinchi bo'limda o'zimizni ko'rsatishga harakat qildik, lekin hisobni tenglashtira olmadik. Har doim ham chiroyli o'yin g'alaba keltiravermaydi, buniyam tushunish kerak. Futbolchilarimiz qo'ldan kelgancha o'ynashdi, ishlashda davom etamiz.

- Bugun OKMKga aniqlik yetishmadimi?
- Agar yuzaga kelgan vaziyatlarning 10 foizidan foydalanganimizda mag'lubiyat bo'lmasdi.

- Ikkinchi bo'limda boshqa OKMKni ko'rdik, ammo kambek sodir bo'lmadi?
- Shu o'rinda raqibimiz "Nasaf" ekanini ham esdan chiqarmaslik kerak. "Nasaf" yaxshi jamoa, bugun oddiy raqibga yutqazmadik. Vaziyat yaratib bersangiz ular yarimta imkoniyatdan foydalana oladi.

Futbol yangiliklari || Futbol habarlari || Футбол янгиликлари || Футбол хабарлари

Дўстларга юборинг: 

Бош сахифага қайтиш