M.FUTBOLL.TV

Vadim Abramov: "Mundialda ishtirok etgan futbolchilar uchun pul? Bunday ma'lumotga ega emasman"

30.07.2026 00:32   Ўқилди: 118

Vadim Abramov: “Qiyin bahs bo'ldi. Yigitlarga rahmat. Futbolchilarga etirozim yo'q. Kutilmagan xatolar psixologiya sabab ro'y berdi, chunki hisob xavfli edi. “Qo'qon-1912” o'zining kuchli tomonlarini biladi. Bo'yi uzun yigitlar maydonga tushishdi va uzatmalar boshlandi. Omadimiz keldi, darvozabon jonimizga oro kirdi. Hammani g'alaba bilan tabriklayman.

- Bugun tarkibda rotaciya bo'ldi. Avanesyan haqida fikringiz?
- U hali jismonan tayyor emasligi ko'rindi, lekin yaxshi uzatmalari bor ekan. Formaga kirib olganidan so'ng yaxshiroq ko'rinishi aniq. Debyut uchun yaxshi harakat qildi.

- Jahongir O'rozov boshqa jamoaga o'tishini kutgandik. Ammo bugun “Dinamo” safida maydonga tushdi va o'zi uchun odatiy bo'lmagan chap qanotda harakat qildi.
- Tez orada u uchib ketadi. Transfer amalga oshadi deb umid qilamiz. Anchadan beri o'yin amaliyotiga ega bo'lmayotgani, raqib safida bo'yi uzun yigitlar tushgani sabab uni maydonga tushirdik. Qo'shimchasiga xayrlashuv uchrashuvi bo'ldi.

- Mundialdan so'ng odatda JCHda qatnashganlar dam olishga ketishadi, bizda esa tezda chempionat o'yinlariga tushib ketishmoqda. Bu futbolchilarning jismoniy holatiga ta’sir ko'rsatadimi?
- Albatta. Ular bor kuchini ishlatib kelishdi, bu yerda havo ham juda issiq. Ikki nafar futbolchimiz mundialda qatnashishdi. Hozircha ularsiz o'ynaymiz.

- Oldinda “Nefchti” bilan bahs bor. Azizbek Amonov holati haqida ma'lumot bera olasizmi?
- Unda jarohat bor. Uzoq vaqtga safdan chiqqan. Kamida 1 oy o'ynamaydi.

- “Dinamo” JCHda ishtirok etgan futbolchilari FIFAdan pul oldimi?
- Infantino hammaga 40 mln. evrodan taklif qilyapti-ku. Kutyapmiz… Kim pul olgani haqida ma'lumotga ega emasman.

- Bazi professional futbolchilar huddi birinchi marta maydonga tushgandek, to'p bilan nima qilishni bilmaydi, xatolarga yo'l qo'yadi. Ular bilan mashg'ulotlarda bu borada ishlaysizmi?
- Qiyin va uzun savol. Men yigitlarni ruhan tayyorlayman, boshqa hech narsa demayman. Bu hammasi maydonda qaror qabul qiladigan futbolchiga bog'liq. 3:1 bo'lganida bunday savollar bo'lmasdi, 3:2da esa bosim boshlanadi. Hissiyotlar, shoshilishadi, yana gol urishga urinishdi.

- Anvar Hojimirzaev Superliga to'purariga aylandi…
- U keragidek mashg'ulotlarni o'tkaza boshladi va mana buni mahsuli.

- Siz terma jamoa sobiq ustozi sifatida “Dinamo” safida Osiyo Kubogida ishtirok etadigan futbolchilarni ko'ryapsizmi?
- Har bir murabbiy o'z shogirdini o'sha poziciyadagi eng zo'ri deb hisoblaydi. Hamma murabbiyning qarashi turlicha. Agar jadvalda yuqoriroq bo'lsak, jamoamizga e'tibor qaratishadi. Biz futbolchi tayyorlab beraveramiz, biroq hammasi terma jamoa bosh murabbiyiga bog'liq. Sizga yoqadigan o'yinchi, terma jamoa ustoziga yoqmasligi mumkin.

- Hozir butun dunyoda darvozabon murabbiyi bor. Nemanov bugun yaxshi o'ynadi. U terma jamoa darvozasini qo'riqlashga nomzod bo'la oladimi?
- Albatta. Yulduzlik kasalini orttirib olmasa, o'z ustida ishlashda davom etsa aytganingiz bo'ladi. Hozir terma jamoa darvoza chizig'ida muammo bor, bu haqida hamma biladi. Xatolari ustida ishlashi kerak.

Futbol yangiliklari || Futbol habarlari || Футбол янгиликлари || Футбол хабарлари

Дўстларга юборинг: 

Бош сахифага қайтиш