M.FUTBOLL.TV

Italiya Kubogi. "Inter"dan superkambek! "Neradzurri" 0:2 hisobini 3:2 ga aylantirib, finalga yo'l oldi

22.04.2026 02:16   Ўқилди: 2978

O'yin davomida ikki to'p farqi bilan ortda qolayotgan Kristian Kivu shogirdlari iroda namoyish etib, 3:2 hisobida g'alaba qozonishdi.

Uchrashuv mehmonlar uchun juda ko'ngilli boshlandi. 32-daqiqada xorvatiyalik Martin Baturina "Komo"ni hisobda oldinga olib chiqqan bo'lsa, ikkinchi bo'lim boshida, 48-daqiqada Lukash Da Kunya milanliklar darvozasini ikkinchi bor ishg'ol qildi.

Biroq "Inter" taslim bo'lishni istamadi. 69-daqiqada Xakan Chalxanoglu hisobni qisqartirdi. O'yin yakunlanishi arafasida esa haqiqiy "shou" boshlandi: 86-daqiqada Chalxanoglu dublni rasmiylashtirib, muvozanatni tiklagan bo'lsa, 89-daqiqada Petar Suchich "neradzurri"ga g'alaba keltiruvchi golni urdi.

“Inter” - “Komo” 3:2

Gollar: Chalxanoglu 69, 86, Suchich 89 - Baturina 32, Da Kunya 48.

Jamoalar o'rtasidagi ilk bahsda (3 mart) hisob ochilmagan edi (0:0). Shu tariqa, ikki o'yin natijasiga ko'ra "Inter" final yo'llanmasini qo'lga kiritdi. Ikkinchi finalchi esa bugun, 22 aprel chorshanba kuni aniqlanadi. Unda "Atalanta" va "Lacio" jamoalari o'zaro to'qnash kelishadi (ilk o'yin - 2:2).

Futbol yangiliklari || Futbol habarlari || Футбол янгиликлари || Футбол хабарлари

Дўстларга юборинг: 

Бош сахифага қайтиш