
Avgust oyida myunxenliklarning 23 yoshli yarim himoyachisi ketma-ket ikkita o'yinda o'zini yomon his qilgan, unga tibbiy yordam ko'rsatilgan va zaxiraga olingan edi. Germaniyalik futbolchi o'zida nevrologik disfunksiya oqibatida yuzaga kelgan, qisqa muddatli, biroq oson davolanadigan absanslar (qisqa vaqt hushni yo'qotish holatlari) aniqlanganini ma'lum qilgandi. Noyabr oyi boshida klub faxriy prezidenti Uli Hyoness: "Biroq u qachondir yana avvalgidek o'yin darajasiga chiqa olarmikan..." - deya takidlagan edi.
Keyinchalik Drezen Hyonessning so'zlariga munosabat bildirib: "Umid qilamizki, Jamal avvalgi darajasiga qaytadi, aks holda hammasini uning oilasi va agentlari bilan muhokama qilishimizga to'g'ri keladi", - degandi.
Drezen bilan bo'lib o'tgan bugungi uchrashuv davomida "Bavariya" fan-klubi vakillari klubning Musiala atrofidagi vaziyatni qanday hal qilayotgani yuzasidan tanqidiy fikrlar bildirishdi.
"Men sizlarning etirozlaringizni inobatga olaman. O'zim ham bu borada omma oldida fikr bildirgan edim. Men Ulining (Hyoness) so'zlarini talqin qilishga urindim va u vaziyatga tushunish bilan yondashdi. Biz Jamalga o'zi muhtoj bo'lgan vaqtni beryapmiz va shunday qilishimiz ham shart. Men shunchaki: "Men hech narsa bilmayman va hech narsa gapirmoqchi emasman", - deb tura olmayman. Bu men ataylab fikr bildirishga harakat qilgan mavzu emas edi.
Mening vazifam futbolchiga g'amxo'rlik qilishni taqozo etadi va men Jamalga avvalgi darajasiga qaytishi uchun zarur bo'lgan vaqt berilishini tushuntirishga harakat qildim. Jamalning sportdagi kelajagi nihoyatda muhim, u ajoyib futbolchi. Biroq bizning zimmamizda yana bir mas'uliyat bor - nafaqat o'yinchi, balki klub oldida ham. Xuddi istalgan kompaniyada kimdir o'z majburiyatlarini to'liq bajarishga qodir bo'lmay qolganida bo'lgani kabi.
Bu futbol uchun noyob vaziyat va biz buni boshqarishni o'rganishimiz kerak. Bunday absans holatlari ilgari elita sportida va xususan, futbolda hech qachon uchramagan. Sizlardan bunga tushunish bilan yondashishingizni so'rayman.
Sizlarning xabaringiz shunday: "Gapiring, lekin biroz pastroq ovozda". Menimcha, bu hammaga tushunarli", - dedi Drezen.
![]() | 17.11.2026 00:48 Ўқилди 13650 Shartnomadagi band Joau Feliksning "Barselona" va "Chelsi"ga o'tishini qiyinlashtirmoqda |
![]() | 17.11.2026 04:56 Ўқилди 8527 Millatlar ligasi. Germaniya Niderlandiyani "sochib tashladi", Gretsiya Serbiya ustidan g'alabani tantana qildi |
![]() | 17.11.2026 07:48 Ўқилди 4161 Bugun Milliy terma jamoamiz Saudiya Arabistoniga qarshi maydonga tushadi |
![]() | 16.11.2026 18:56 Ўқилди 3438 Anchelotti: "Romario juda ko'p gapiradi" |
![]() | 16.11.2026 21:24 Ўқилди 3206 Pochettino MYUda kengaytirilgan vakolatlarga ega bo'lishi mumkin |
![]() | 16.11.2026 19:48 Ўқилди 2710 Vinisius JCH-2026dagi omadsizlikdan keyin Braziliya terma jamoasiga bo'layotgan tanqidlarga javob berdi |
![]() | 17.11.2026 09:00 Ўқилди 2643 "Bu sharmandalik". Xavi - Niderlandiyaning Germaniyadan uchralgan 0:5 hisobidagi mag'lubiyatidan so'ng |
![]() | 17.11.2026 00:00 Ўқилди 2574 Germaniya - Niderlandiya. Tarkiblar ma'lum |
![]() | 16.11.2026 00:24 Ўқилди 2067 Fransiya - Turkiya: Millatlar Ligasi 6-tur uchrashuvi uchun jamoalarning asosiy tarkiblari |
![]() | 16.11.2026 22:48 Ўқилди 1906 O'zbekiston terma jamoasining Qatardagi mashg'ulotidan FOTOGALEREYA |
Реклама
Сайт хақида