M.FUTBOLL.TV

JCH-2026 finali qoldirilishi mumkin

17.07.2026 07:55   Ўқилди: 8653

Ispaniya va Argentina terma jamoalari o‘rtasidagi JCH-2026 bosh sovrini uchun hal qiluvchi bahs xavf ostida qoldi. Bunga Kanadada davom etayotgan o‘rmon yong‘inlari oqibatida havoning keskin ifloslanishi sabab bo‘lmoqda.

Hozircha o‘yinni ko‘chirish bo‘yicha yakuniy qaror qabul qilinmagan, biroq FIFA va AQSHning tegishli xizmatlari vaziyat rivojini diqqat bilan kuzatib bormoqda. Ole.us nashrining xabar berishicha, AQSH rasmiylari futbolchilar va muxlislar sog‘lig‘ini mutlaq ustuvor vazifa deb hisoblaydi. Shu sababli, agar havo sifati sog‘liq uchun jiddiy xavf tug‘dirsa, tegishli choralar ko‘riladi.

Ma’lumot uchun: FIFA reglamentida bunday favqulodda vaziyatlar yuzaga kelganda qo‘llaniladigan maxsus harakatlar algoritmi mavjud. Biroq tashkilot o‘z tarixida ushbu qoidani amaliyotda hali biror marta qo‘llamagan.

Eslatib o‘tamiz, avvalroq aynan Kanadadagi o‘rmon yong‘inlari tufayli yuzaga kelgan tutun sababli polyak hujumchisi Robert Levandovskining «Chikago Fayr» safidagi debyut uchrashuvi qoldirilgan va o‘yin boshqa muddatga ko‘chirilgan edi.

JCH-2026 final uchrashuvi 19 iyul kuni bo‘lib o‘tishi rejalashtirilgan. Hozircha AQSH rasmiylari vaziyat bo‘yicha ob-havo prognozi umuman olganda ijobiy ekanini va xavotirga o‘rin yo‘qligini ma’lum qilmoqda.

Futbol yangiliklari || Futbol habarlari || Футбол янгиликлари || Футбол хабарлари

Дўстларга юборинг: 

Бош сахифага қайтиш