M.FUTBOLL.TV

Messi JCHda o‘ziga xos natija qayd etdi

04.07.2026 21:11   Ўқилди: 365

Argentina terma jamoasi hujumchisi Lionel Messi Jahon chempionati–2026da o‘tkazilgan barcha to‘rtta uchrashuvda ham gol urishga muvaffaq bo‘lgan yagona futbolchiga aylandi.

U JCH–2026 1/16 finalida Kabo-Verdega qarshi uchrashuvning 29-daqiqasida raqib darvozasini ishg‘ol qildi. AQSHning Mayami shahridagi “Hard Rock” stadionida o‘tayotgan bahsning ushbu daqiqasida Argentina 1:0 hisobida oldinda bormoqda.

Messi guruh bosqichida ham yuqori natijadorlik ko‘rsatdi. U Jazoirga qarshi ilk tur uchrashuvida xet-trik qayd etdi (3:0), Avstriyaga qarshi ikkinchi tur bahsida dubl muallifiga aylandi (2:0), Iordaniyaga qarshi uchinchi turda esa yana bitta gol urdi.

Shu tariqa, Lionel Messi JCH–2026da ishtirok etgan barcha to‘rtta o‘yinda ham gol urgan yagona futbolchi bo‘lib turibdi.

Bundan tashqari, Shveysariya terma jamoasi hujumchisi Brel Embolo hamda Fransiya hujumchisi Kilian Mbappe ham turnirdagi barcha to‘rtta uchrashuvda samarali harakat amalga oshirgan, biroq ularning natijalari gol va assistlar hisobiga qayd etilgan.

Futbol yangiliklari || Futbol habarlari || Футбол янгиликлари || Футбол хабарлари

Дўстларга юборинг: 

Бош сахифага қайтиш