M.FUTBOLL.TV

Shotlandiya terma jamoasi ustozi Klark: «Biz xomxayolga berilayotganimiz yo‘q»

19.06.2026 18:44   Ўқилди: 45

Shotlandiya terma jamoasi bosh murabbiyi Stiv Klark JCH-2026 2-turidan o‘rin olgan Marokashga qarshi uchrashuv oldidan matbuot anjumanida ishtirok etdi. Mazkur o‘yin 20 iyunga o‘tar kechasi, Toshkent vaqti bilan soat 03:00 da boshlanadi.

«Bo‘lajak uchrashuv qanchalik qiyin kechishi borasida hech qanday xomxayolga berilayotganimiz yo‘q. Marokash o‘tgan Jahon chempionatida yarim finalgacha yetib borgan edi va mening fikrimcha, bu jamoa hozir yanada kuchaygan. Bu bizni qanday bahs kutayotganidan darak beradi», — dedi Klark.

Murabbiy o‘z jamoasi kurashga tayyorligini va Gaiti ustidan qozonilgan g‘alabadan so‘ng ijobiy kayfiyatni saqlab qolayotganini ta’kidladi. Ma’lumot uchun, bu Shotlandiyaning yirik turnirlardagi oxirgi 30 yil ichidagi ilk g‘alabasi bo‘ldi.

«Futbolchilar o‘zlarini juda yaxshi his qilishmoqda. Ular g‘alaba qozonishni istashgandi va buni uddalashdi. Endi esa navbatdagi qadamni tashlab, qolgan o‘yinlarda ham kerakli natijaga erishishni xohlaymiz».

Birinchi turdan so‘ng Shotlandiya hisobida 3 ochko mavjud. Braziliya va Marokashda 1 tadan ochko bor, Gaiti esa hozircha ochko to‘play olmadi.

Futbol yangiliklari || Futbol habarlari || Футбол янгиликлари || Футбол хабарлари

Дўстларга юборинг: 

Бош сахифага қайтиш