Davlat rahbari akademiya tarbiyalanuvchilari bilan suhbatda futbolni rivojlantirish uchun adolatli saralash, zamonaviy sharoitlar va bilimga asoslangan tayyorgarlik zarurligini ta'kidladi.
“34 yil davomida O'zbekiston hech qachon Jahon chempionatiga chiqmagan, chunki orzuga asos bo'lmagan. Avvalambor, men birinchi kelganimdan adolat o'rnatamiz, dedim. Adolat degani, Abduqodir Husanovga o'xshagan bolalar ko'p o'zi dunyoda. Lekin ularni bilib-bilmasdan chekkaga surib qo'yish, tanish-bilishchilik va hokazo bizga manfaat bermadi”, – dedi Shavkat Mirziyoev “O'zbekiston 24” telekanalining “Menimcha” dasturida.
Prezidentning so'zlariga ko'ra, bugungi kunda o'zbekistonlik yosh futbolchilarni xorijda diqqat bilan kuzatib borishmoqda.
“Dunyo O'zbekiston futbolchi yoshlariga qarab turibdi, lupada qarab turibdi. Har birlaringning harakatlaringni manaman degan katta-katta kompaniyalar, davlatlar, jumladan, Arab Amirliklarining klublari har kuni qaraydi.
Shuning uchun bugun ham sizlarni, mana shunday sharoitlarni ko'rib, shuni tushunamanki, baribir sharoit va imkoniyat bo'lmasa, faqat futbolda emas, boshqa birorta sport turida rivojlanib bo'lmasdi”, – deya ta'kidladi davlat rahbari.
Davlat rahbari, shuningdek, O'zbekistonda futbolni ko'pchilik sevishini, biroq bu sport turiga faqat muhabbatning o'zi etarli emasligini qayd etdi.
“Yoshligimizda oyog'imizdan tirnog'imiz chiqib, qon chiqib, chiroqlarsiz, sharoitlarsiz o'ynardik. U boshqa zamon edi. Lekin shu zamonlarni ko'rgan odam sifatida sizlarga hamma sharoit yaratib beryapman. Sizlar esa zamonga munosib bo'lib, harakat qilib, ilm asosida tarbiyalanishingiz kerak. Ana shunda chora-tadbirlar zo'r bo'ladi”, – dedi Shavkat Mirziyoev.
“Neftchi” bolalar futbol akademiyasi 4,5 gektardan ortiq maydonni egallagan bo'lib, 150 nafardan ziyod tarbiyalanuvchini o'qitishga mo'ljallangan. Uning hududida oltita futbol maydoni, shuningdek, zamonaviy tibbiy va reabilitaciya uskunalari bilan jihozlangan fizioterapiya bo'limi faoliyat ko'rsatmoqda.
Bu yerda 1,1 mln dollar miqdoridagi investiciya hisobiga sun'iy qoplamali va havo gumbazli yopiq futbol maneji qurilgan.
O'yinchilarni xalqaro standartlar asosida tayyorlash uchun akademiyaga UEFA instruktori va boshqa xorijiy mutaxassislar jalb etilgan.
Ажойиб ва қизиқ янгиликлар | 25.04.2026 03:32 Ўқилди 5959 Islom Ahmedov: "Menga to'rtta o'yinga imkoniyat berishdi. G'alaba ortida katta mehnat yotibdi" |
 | 27.04.2026 01:48 Ўқилди 4416 A Seriya. "Milan" va "Yuventus" o'rtasidagi o'yinda hisob ochilmadi |
 | 26.04.2026 01:40 Ўқилди 4326 "BuxDU" bosh murabbiyi Azamat Sharipov: "Proligada istalgan jamoa bizga hujum qilyapti" |
 | 30.04.2026 00:16 Ўқилди 4284 Toni Kroos "Real"ga qaytmoqda? Klub afsonaga muhim lavozim tayyorlab qo'ygan |
 | 29.04.2026 00:32 Ўқилди 4128 Rasman: Futbolda inqilob! Endi og'zini yopib haqorat qilgan va maydonni tark etgan futbolchilar chetlatiladi |
 | 29.04.2026 01:16 Ўқилди 3594 Ulug'bek Bakaev: "Hisobni yanada yiriklashtirishimiz ham mumkin edi" |
 | 28.04.2026 23:56 Ўқилди 3458 "Real" yangi murabbiy borasida 4 ta nomzoddan birini tanlaydi: Mourinyuning "narxi" ma'lum |
 | 03.05.2026 20:24 Ўқилди 3379 Fergyuson "Liverpul"ga qarshi o'yindan oldin "Old Trafford"dan kasalxonaga olib ketildi |
 | 29.04.2026 00:16 Ўқилди 3361 Superliga. “So'g'diyona” – “Surxon” 5:2 |
 | 29.04.2026 03:56 Ўқилди 3184 Kamoliddin Tojiev: "Mavsumdagi eng yomon o'yinimiz bo'ldi. G'alabaga loyiq emas edik" |
Маълумот
Реклама
Сайт хақида
