M.FUTBOLL.TV

"Arsenal" hakamlar rahbarlari bilan uchrashuv o'tkazishni so'radi

14.09.2026 21:40   Ўқилди: 1320

54-daqiqada hakam Jon Bruks jarima maydonchasiga uzatma berilayotgan paytda Ezri Konsa Deniel Bellardga nisbatan qoidani buzdi, deb topib, "kanonirlar" darvozasiga 11 metrlik jarima to'pi belgiladi. "Arsenal" himoyachisi raqibni maydonga yiqitdi, garchi Bellardning o'zi ham raqibining futbolkasidan tortgan edi. Darvozabon David Rayya nuqtadan yo'llangan zarbani qaytardi, oradan ikki daqiqa o'tib esa londonliklar g'alaba golini urishdi.

O'yindan so'ng "Arsenal" bosh murabbiyi Mikel Arteta shunday dedi: "Bunday darajada bu qabul qilinishi mumkin emas, bunday qarorlar mavsum taqdirini o'zgartirishi mumkin. Men 28 yildan beri futboldaman, bu hech qanday sharoitda penalti emas". U, shuningdek: "Raqib dzyudo usulini - qulab tushib otishni qo'lladi. Kon esa hech narsa qilmadi", - dedi.

The Guardian xabariga ko'ra, bugun "Arsenal" ushbu epizod yuzasidan Pro Ref (Professional Game Referees - Angliya futbolida hakamlik uchun mas'ul organ) vakillari bilan uchrashuv so'ragan. Klub hakamlar korpusi rahbarlaridan penalti borasida tushuntirish olishni niyat qilgan.

Angliya amaldagi chempioni referi Bruks penalti belgilagan paytda videoassistent hakam (VAR) nega vaziyatga aralashmaganini tushuntirishini talab qilishi kutilmoqda.

Ehtimol, "Arsenal" ushbu uchrashuvda 31 avgust kuni "Aston Villa"ga qarshi kechgan g'alabali o'yinda (1:0) Ian Matsen Bruno Gimaraesga nisbatan qoidani buzganida klub penalti tepish huquqini olishi kerakligini Premer-liganing muhim o'yin epizodlari bo'yicha komissiyasi bir ovozdan tan olganini ham eslatib o'tadi.

Futbol yangiliklari || Futbol habarlari || Футбол янгиликлари || Футбол хабарлари

Дўстларга юборинг: 

Бош сахифага қайтиш