M.FUTBOLL.TV

"Nasaf" – "Paxtakor" bahsidagi yangi VAR protokoli, "Buxoro"ga qo'yilmagan penalti: O'zFHM 17-turdagi qarorlarni tahlil qildi

18.08.2026 12:24   Ўқилди: 966

“Andijon” – “Neftchi” uchrashuvining 50-daqiqasida “Andijon” futbolchisi raqibga butsaning tag qismi bilan qorin qismiga zarba berdi. Futbolchi ushbu jiddiy qoidabuzarligi sababli bosh hakam tomonidan to'g'ridan to'g'ri maydondan chetlatildi.

“Buxoro” – OKMK uchrashuvining 90+1-daqiqasida OKMK himoyachisi uzoq masofadan kelayotgan to'pga qo'li bilan tegdi. Bosh hakam va VAR ushbu vaziyatda o'yinni davom ettirish qarorini qabul qildi. Ammo qo'lning to'pga nisbatan harakati sababli, ushbu vaziyatda penalti belgilash zarur edi.

“Navbahor” – “Bunyodkor” uchrashuvining 17-daqiqasida “Bunyodkor” futbolchisi o'z jarima maydoni ichida raqib hujumchisining oyog'iga zarba berib, qoida buzdi. Shu sababli ushbu holatda bosh hakam vaziyatni to'g'ri baholab, penalti belgiladi.

“Navbahor” – “Bunyodkor” uchrashuvining 86-daqiqasida “Bunyodkor” himoyachisi jarima maydonida to'p uchun kurash jarayonida qo'lini cho'zib, tana hajmini notabiiy ravishda kengaytirgan va shu orqali to'p yo'lini to'sib qo'ygan. Hakamlar jamoasining penalti belgilash qarori to'g'ri bo'lgan.

“Nasaf” – “Paxtakor” uchrashuvining 37-daqiqasida “Paxtakor” jarima maydoni ichida himoyachi va hujumchi o'rtasida to'qnashuv sodir bo'ldi. Ushbu vaziyatda “Paxtakor” himoyachisi birinchi bo'lib to'pga o'ynadi va to'p raqib hujumchisiga tegib, maydonni tark etdi. Himoyachining harakatida qo'shimcha harakatlar qayd etilmadi va to'pga o'ynagandan keyingi to'qnashuv oddiy futbol kontakti hisoblanadi.

Maydondagi qaror burchak zarbasi bo'lganligi sababli, VAR hakamlari yangi VAR protokoliga muvofiq, to'p hujumchidan chiqib ketganligi va darvoza zarbasi belgilanishi kerakligi haqida ma'lumot berdi.

Futbol yangiliklari || Futbol habarlari || Футбол янгиликлари || Футбол хабарлари

Дўстларга юборинг: 

Бош сахифага қайтиш