M.FUTBOLL.TV

Kasilyas o‘zini zamonaviy darvozabonlar bilan solishtirdi

12.07.2026 23:33   Ўқилди: 719

Ispaniya terma jamoasi va Madridning «Real» klubi sobiq darvozaboni Iker Kasilyas o‘ziga o‘xshash darvozabonlar haqida fikr bildirdi.

L’Equipe nashrining «Siz o‘zingizni zamonaviy darvozabonlardan qay biri bilan solishtira olasiz?» degan savoliga Kasilyas quyidagicha javob berdi:

«Ehtimol, «Barselona»dan Joan Garsiya bilan. Yoki hatto David Rayya bilan. Ular baland bo‘yli darvozabonlar toifasiga kirmaydi (mos ravishda 193 va 186 sm), ayniqsa, Janluidji Donnarumma, Tibo Kurtua yoki Manuel Noyer (196, 199 va 193 sm) bilan solishtirganda. Lekin ular juda chaqqon va tezkor».

«Men uchun doimo zarbalarni qaytarishdagi tezlik ajralib turadigan jihat bo‘lgan. Men baland bo‘yli darvozabon bo‘lmaganman, bo‘yim 185 sm. Men katta gavdali bo‘lmaganman, lekin bo‘yimdagi kamchilikni tezligim bilan qoplaganman», — deb ta’kidladi sobiq futbolchi.

Kasilyas faoliyatini 2020 yilda yakunlagan. Uning hisobida 2 ta Yevropa chempionati va 1 ta jahon chempionati g‘olibligi, shuningdek, «Real» bilan 18 ta va «Portu» bilan 4 ta turli sovrinlar bor.

Futbol yangiliklari || Futbol habarlari || Футбол янгиликлари || Футбол хабарлари

Дўстларга юборинг: 

Бош сахифага қайтиш