M.FUTBOLL.TV

FIFA Tantashev Olisega ko'rsatgan sariq kartochkani bekor qilmadi

08.07.2026 21:16 Ўқилди: 770

Fransiya terma jamoasi bosh murabbiyi Dide Desham Maykl Olisening sariq kartochkasi o'z kuchida qolganini ma'lum qildi. Avvalroq Fransiya futbol federatsiyasi (FFF) FIFAga JCH-2026 1/8 finalida Paragvayga qarshi o'yinda (1:0) vinger olgan sariq kartochkani bekor qilish bo'yicha so'rov yuborgan edi.

Fransiyalik futbolchi o'yinning 97-daqiqasida hakam Ilgiz Tantashevdan Matias Galarsa Fonda bilan bo'lgan to'qnashuv uchun ogohlantirish olgandi. Shu bilan birga, videotakrorlarda Olise raqibiga tegmaganini ko'rish mumkin. "Bavariya" o'yinchisi Galarsa oldida barmog'ini labiga qo'ygan (jim bo'lish ishorasi), shundan so'ng paragvaylik futbolchi maydonga yiqilgandi.

Eslatib o'tamiz, avvalroq FIFA Bosniya va Gertsegovinaga qarshi o'yinda (2:0) qizil kartochka olgan AQSH terma jamoasi futbolchisi Folarin Balogunning diskvalifikaciyasini bekor qilgandi.

"Sariq kartochka bilan bog'liq vaziyat o'zgarmadi: bugun ertalab biz FIFAdan bildirishnoma oldik. O'yinning o'ziga keladigan bo'lsak, Marokash - bu Paragvay emas. Biz marokashliklar bilan to'rt yil oldin o'ynaganmiz, qolaversa, ular Afrika kubogi finaliga qadar yetib borishdi. Ularning safida ajoyib o'yinchilar bor, bu to'pni nazorat qilishni va hujum qilishni yoqtiradigan jamoa. Ular juda yuqori saviyaga ega", - dedi Desham matbuot anjumanida.

Ertaga Fransiya JCH-2026 chorak finalida Marokashga qarshi maydonga tushadi.