Xorazmda qo'lga kiritilgan g'alabadan so'ng jamoa tanaffusga ko'tarinki kayfiyatda yo'l oldi. Biz bu borada "Andijon" himoyachisi Odil Abdumajidovning fikrlari bilan qiziqdik.
"Andijon" futbolchisi bilan eksklyuziv suhbat: "Erkin fikrlash o'yinimiz o'zgarishiga sabab bo'ldi"
- "Xorazm" jamoasi bilan bo'lib o'tgan o'yin haqida fikrlaringiz qanday?
- O'yin ancha mazmunli o'tdi. Har bir bahs kabi bu uchrashuvning ham o'z qiyinchiliklari bo'ldi, ammo oldimizga qo'yilgan vazifani bajarish uchun bor kuchimizni ishga soldik. Oldin sun'iy maydonda o'ynamagan edik, bu qiyinchilik tug'dirgani rost.
- "Andijon"da natijalar ijobiy tomonga o'zgarganini ko'ryapmiz. Bu muvaffaqiyatlar nimaning hisobiga qo'lga kiritilmoqda?
- Avvalambor, jamoamizning sobiq ustozi Samvel Babayanga o'z minnatdorchiligimni bildiraman. U kishi qo'ldan kelgancha harakat qildi, biroq futbolda hamma vaqt ham rejalar amalga oshavermas ekan. Islom aka jamoa boshqaruviga kelgach, futbolchilarga ko'proq erkinlik berdi. Maydonda va mashg'ulotlarda erkinroq fikrlashimiz uchun imkoniyat yaratildi. Nazarimda, o'yinimizdagi ijobiy o'zgarishlarning asosiy sababi mana shunda. Chunki tarkibimizda yuqori saviyali, mahoratli ijrochilar juda ko'p.
- Mavsum boshiga qaraganda jamoa ancha ishonchli harakat qilmoqda. Buni murabbiylar shtabining faktori deb hisoblash mumkinmi?
- Albatta. Murabbiylar tomonidan berilgan ruhiy va taktik erkinlik futbolchilarning o'z imkoniyatlarini to'laqonli namoyish etishiga zamin yaratdi. Yuqorida takidlaganimdek, fikrlash erkinligi va o'yinga bo'lgan yondashuvning o'zgargani natijalarda o'z aksini topmoqda.
- Hozirda jamoada ichki muhit qanday?
- Jamoadagi muhit a'lo darajada. Futbolchilar o'rtasidagi o'zaro tushunish, ahillik va g'alabaga bo'lgan ishtiyoq juda yuqori. Bu esa maydondagi natijalarimizga ham bevosita ta’sir qilyapti.
- Siz "Andijon" tarkibidagi oxirgi 4 ta o'yinda to'liq 90 daqiqa harakat qildingiz va bu uchrashuvlarda jamoa mag'lubiyatga uchramadi. Shaxsan sizda motivaciya va o'z kuchingizga bo'lgan ishonch qay darajada?
- Shubhasiz, ishonchim yanada ortdi. Har qanday futbolchi agar 2-3 ta o'yinni zaxira o'rindig'ida o'tkazib yuborsa, unda ruhiy pasayish va ishonch yo'qolishi kuzatiladi. Zaxiradan o'yinni kuzatish bilan maydonda harakat qilishning farqi katta. Allohga shukur, menga imkoniyat berildi. Hozirda bor e'tiborim jamoaga maksimal darajada foyda keltirish va muxlislarimizni g'alabalar bilan xushnud etishga qaratilgan.
Ажойиб ва қизиқ янгиликлар | 05.05.2026 23:56 Ўқилди 17162 LIVE. YCHL. "Arsenal" - "Atletiko Madrid" 0:0 (matnli translyatsiya) |
 | 27.04.2026 01:48 Ўқилди 4446 A Seriya. "Milan" va "Yuventus" o'rtasidagi o'yinda hisob ochilmadi |
 | 30.04.2026 00:16 Ўқилди 4311 Toni Kroos "Real"ga qaytmoqda? Klub afsonaga muhim lavozim tayyorlab qo'ygan |
 | 29.04.2026 00:32 Ўқилди 4179 Rasman: Futbolda inqilob! Endi og'zini yopib haqorat qilgan va maydonni tark etgan futbolchilar chetlatiladi |
 | 29.04.2026 01:16 Ўқилди 3606 Ulug'bek Bakaev: "Hisobni yanada yiriklashtirishimiz ham mumkin edi" |
 | 28.04.2026 23:56 Ўқилди 3476 "Real" yangi murabbiy borasida 4 ta nomzoddan birini tanlaydi: Mourinyuning "narxi" ma'lum |
 | 03.05.2026 20:24 Ўқилди 3409 Fergyuson "Liverpul"ga qarshi o'yindan oldin "Old Trafford"dan kasalxonaga olib ketildi |
 | 29.04.2026 00:16 Ўқилди 3370 Superliga. “So'g'diyona” – “Surxon” 5:2 |
 | 29.04.2026 03:56 Ўқилди 3199 Kamoliddin Tojiev: "Mavsumdagi eng yomon o'yinimiz bo'ldi. G'alabaga loyiq emas edik" |
 | 02.05.2026 00:56 Ўқилди 3083 Lui Saa: "Retkliffdan Kerrikning qolishini so'ragan bo'lardim" |
Маълумот
Реклама
Сайт хақида
