M.FUTBOLL.TV

Tojikiston Osiyo Kubogiga yo'l oldi, Turkmaniston bu safar ham musobaqaga chiqa olmadi

31.03.2026 22:32   Ўқилди: 511

Unda qo'shnilarimiz turlicha natijalar qayd etishdi.

Tojikiston - Filippin 1:1
Gollar: Obermair, 19 (0:1), Boboev, 41 (1:1).

Hisorda kechgan bahsda Tojikiston terma jamoasi Filippin bilan durang o'ynadi. Ushbu ochko tojikistonliklarga "A" guruhida 14 ochko bilan birinchi o'rinni egallash va Osiyo Kubogi yo'llanmasini qo'lga kiritish uchun etarli bo'ldi.

Tailand - Turkmaniston 2:1
Gollar: Supxanan, 14 (1:0), Chariev, 60 (1:1), Bihr, 89 (2:1).

Turkmaniston terma jamoasi Bangkokda Tailand mehmoni bo'lib, kichik hisobda imkoniyatni boy berdi. Natijada turkmanlar "D" guruhida 12 ochko bilan ikkinchi o'rinda qolib ketishdi va qita birinchiligidan quruq qolishdi. Mazkur guruhdan faqatgina Tailand (15 ochko) yo'llanmaga ega chiqdi.

Yana bir qo'shnimiz, Qirg'iz Respublikasi Osiyo Kubogi saralash bosqichini O'zbekiston kabi ikkinchi raunddayoq ijobiy hal qilgan edi.

Eslatib o'tamiz, 2027 yilgi Osiyo Kubogi Saudiya Arabistonida, 7 yanvardan 5 fevralgacha bo'lgan muddatda o'tkaziladi.

Futbol yangiliklari || Futbol habarlari || Футбол янгиликлари || Футбол хабарлари

Дўстларга юборинг: 

Бош сахифага қайтиш