M.FUTBOLL.TV

Bahrom Haydarov: "Chiroyli o'yin guvohiga aylandik, durang adolatli natija"

28.09.2025 21:48   Ўқилди: 4113

"Bunyodkor" O'zbekistonning eng kuchli jamoalaridan biri. Qancha ko'p gapirsak ham istaymizmi yoki yo'q yigitlarda o'yin boshida hayajon kuzatildi. Keyin o'zlariga kelib olishdi.

Umuman olganda adolatli durang bo'ldi deya olaman. Chiroyli o'yin guvohiga aylandik. Ikki jamoa ham yutishni istadi, durangni ushlab qolishga o'ynashmadi. 2:1dan so'ng yana hayajon bo'ldimi bilmadim. Hozir ularga ham aytdim, 2:1ni 3:1 qilish mumkin, 4:1ga aylantirsa bo'ladi. Yana oldinga qarab o'ynash kerak. Biz o'zimiz imkoniyat berib qo'ydik. Jamoada o'ziga ishonch ortib boryapti. 3 ochko olsak yaxshi bo'lardi, turnir jadvali shuni taqozo qilmoqda. Lekin 2 ta o'yindan beri g'alabaga erisha olmadik.

- Maydon markazidagi o'yin haqida...

- Avvalgi uchrashuvlarni ko'rib chiqib aytgandik, ular 3 ta yarim himoyachi bilan o'ynardi. Bizda biroz boshqacharoq. Futbolchilarga to'p raqibda bo'lganida bir-biriga yaqinroq o'ynashni takidlagandik. Ozgina masofalar kengayib ketdi. Shuning hisobiga markazni berib qo'ydik. Iqbol Malikjonovni tushirdik, markazdagi o'yinni o'z tomonizga og'dirishga urindik. Ertaga yana tahlil qilib chiqamiz. Ikkinchi bo'limda Malikjonov tushmaguncha bu yaqqol ko'zga tashlanib turgandi...

- Toshtemirovning qizil kartochkasi haqida...

- Ikkinchi sariq bo'ldi. Maydon markazida taktik fol deyishadi. O'yinchi o'tib ketsa gol urishi mumkin edi. O'yinchingiz qizil olishi yaxshi emas. Bunga etiroz yo'q, majbur edi.

- Temurxo'ja Abduxoliqov borasida himoyachilarga aytilganmidi?

- Temurxo'jani asosiy tarkibda maydonga chiqadi deb o'ylagandik. Yakka o'zi oldinda o'ynardi. Himoyachilarga ham bu haqida aytilgan. Yarimta vaziyatdan gol uradigan hujumchi. Charchoqda etibor yo'qoldi. Bo'ydor himoyachilar poziciyada yutqazib qo'ydi. Mahorat kuchli ekan jamoasini olib chiqib ketdi.

Futbol yangiliklari || Futbol habarlari || Футбол янгиликлари || Футбол хабарлари

Дўстларга юборинг: 

Бош сахифага қайтиш