M.FUTBOLL.TV

Rasman: «Portu» «Arsenal» himoyachisini 17 million yevroga sotib oldi

01.07.2026 20:52   Ўқилди: 30

Londonning «Arsenal» klubi 26 yoshli himoyachisi Yakub Kivyor «Portu»ga o‘tdi. Bu haqda «kanonirlar» matbuot xizmati jamoaning rasmiy saytida xabar bermoqda.

«Arsenal»dagi barcha Yakubga klubga qo‘shgan hissasi va bu yerda o‘tkazgan vaqti uchun minnatdorchilik bildiradi hamda unga kelajakdagi faoliyatida eng yaxshi tilaklarni tilab qoladi», — deyiladi «Arsenal» matbuot xizmati bayonotida.

Kivyor yakunlangan mavsumni Portugaliya klubida ijara asosida o‘tkazdi. Manbaning xabariga ko‘ra, portugal klubi futbolchini sotib olish huquqidan (opsiyasidan) foydalangan. Kelishuv summasi 17 million yevroni tashkil etdi. Shartnoma 2030 yilga qadar mo‘ljallangan.

Kivyor 2023 yilning qishki transfer oynasida «Spesiya»dan «Arsenal»ga ko‘chib o‘tgan edi. Ushbu davr mobaynida u 68 ta o‘yinda maydonga tushib, 3 ta gol urdi va 5 ta golli uzatmani amalga oshirdi. Transfermarkt portalida taqdim etilgan ma’lumotlarga ko‘ra, futbolchining ayni paytdagi transfer qiymati 35 million yevroni tashkil qiladi.

Futbol yangiliklari || Futbol habarlari || Футбол янгиликлари || Футбол хабарлари

Дўстларга юборинг: 

Бош сахифага қайтиш