RMC Sport хабарига кўра, 23 ёшли футболчининг ўйинини парижликларнинг спорт директори Луиш Кампуш жуда яхши кўради. Бироқ, трансфер амалга ошиши осон бўлмайди. Португалияликнинг нархини пасайтириш учун "ПСЖ" ҳимоячи Абду Диаллони шартномага қўшмоқчи.
Ўтган мавсумда Леау "Милан" сафида 42 та ўйинда майдонга тушиб, 14 та гол урди ва 12 та голга ассистентлик қилди. Унинг клуб билан шартномаси 2024 йилгача мўлжалланган.
Transfermarkt портали футболчининг нархини 70 миллион еврога баҳоламоқда.