M.FUTBOLL.TV

Buxoroga Superliga o'yinlarini qaytarish harakati boshlandi

31.08.2025 08:40   Ўқилди: 78

Akademiyaga qarashli stadionda Superliga bellashuvlarini o'tkazish uchun esa projektorlar talab qilingan meyor darajasiga etkazilishi lozim edi. O'tgan vaqt davomida yoritish tizimini Superliga talabiga moslashtirish ishlari olib borildi. 22 avgust kuni Liga mutaxassislari Buxoroda bo'lib, projektorning maydon bo'ylab uzatayotgan yorug'lik nurlarini qayta o'rgandi. Ayni vaqtda projektorlar Superliga bellashuvlarini qabul qilish uchun javob beradi.

Shunga qaramay, bazi masalalarda kamchiliklar mavjud. Shahardagi eski stadion buzib tashlanishidan avval Liga unda O'zbekiston kubogining final uchrashuvini yaxshi saviyada tashkil etgandi. O'sha vaqtdagi talab va takliflarga qaramay, hozirga qadar Buxoroda maydon parvarishi bilan professional shug'ullanadigan mahalliy mutaxassislar mavjud emas. Shuningdek, o'tgan davr davomida Liga talab qilgan ko'rinishda maydon parvarishi uchun zarur texnik vositalar xarid qilinmagan. Stadionni sug'orish va uning atrofidagi ishlar butkul boshqa soha vakillari tomonidan amalga oshirilmoqda. Bu esa o'z navbatida maydonning chidamlilik darajasiga putur etkazadi.

Shuningdek, ayni vaqtda stadionda quyidagi kamchiliklar mavjud:

• stadionning audio tizimi mavjud emas (klub har bir rasmiy o'yin uchun ko'chma ovoz kuchaytirish qurilmalarini jalb etishni rejalashtirmoqda);

• stadion tablosi yangilanishi lozim;

• markaziy va ofsayd kameralari platformasi yasalishi, ularning atrofi yomg'ir va quyoshdan himoyalanishi lozim;

• maydonning to'rt qismiga kameralar uchun elektr qutilar joylashtirilishi lozim;

• VAR va TV texnikalari uchun mo'ljallangan nuqtalar mutaxassislar yordamida qayta o'rganilishi va mazkur nuqtalar talab etilgan tezlikdagi internet liniyalari bilan taminlanishi lozim;

• stadionda OAV uchun media tribuna tashkil etilishi lozim;

• stadion texnik zonalarida internet uzilishlarsiz ishlashi taminlanishi lozim;

• VIP tribunaga kirish yo'li texnik zona bilan to'qnashmasligini oldini olish uchun alohida yo'nalishli zina tashkil etilishi lozim;

• Maydon perimetri bo'ylab reklama shitlari qayta jihozlanishi lozim;

• maydon atrofidagi qurilish ishlari to'liq yakunlanishi, stadion atrofidagi yo'llar tartibga keltirilishi, projektor machtalari uchun ochilgan vaqtinchalik yo'llar panjaralar bilan qayta yopilishi kerak.

31 avgust kuni Liganing teletranslyasiyalar hamda marketing bo'limi mutaxassislari Buxoroda bo'lib, stadionni Superliga o'yinlariga tayyorlashning keyingi bosqich ishlarini o'rganadi. Umid qilamizki, talab etilgan barcha masala o'z vaqtida hal qilinadi. Shundan so'ng Liga "Buxoro" klubi aynan qaysi turdan boshlab o'z maydoniga qaytishi masalasini rasman elon qiladi.

Futbol yangiliklari || Futbol habarlari || Футбол янгиликлари || Футбол хабарлари

Дўстларга юборинг: 

Бош сахифага қайтиш