M.FUTBOLL.TV

Kuchli beshlik sharhi: Ochko yo'qotmayotgan “Siti” va “Barsa”, derbi “Atletiko”niki, qaytayotgan PSJ

21.09.2026 22:40 Ўқилди: 1736

Angliyada “Manchester Siti” hali ochko yo'qotgani yo'q, “Arsenal” va “Chelsi” esa bir xil - 0:3 hisobida yutqazdi. Ispaniyada “Atletiko” Madrid derbisida “Real”ni engdi, “Barselona” esa ketma-ket ettinchi g'alabasini qo'lga kiritdi.

Germaniyada “Bavariya” raqibiga ettita gol urdi, ammo birinchi o'rin hamon Dortmundning “Borussiya”sida.

Angliya: “Siti” ochko yo'qotmayapti, “Arsenal” va “Chelsi” yutqazdi

Moreska jamoasi “Sanderlend”ni gollarga boy o'yinda 5:3 hisobida engdi va 15 ochko bilan birinchi o'rinda qoldi.

“Arsenal” esa Braytonda kutilmagan mag'lubiyatga uchradi. Mikel Arteta jamoasi mezbonlarga javobsiz uchta gol o'tkazib yubordi - 0:3. Bu “kanonirlar”ning mavsumdagi birinchi mag'lubiyati bo'ldi. Endi ular “Siti”dan uch ochko ortda.

“Chelsi”ning ham ishi yurishmadi. “Brentford” londonliklarni 3:0 hisobida engdi. “Manchester Yunayted” “Fulxem” bilan ochko bo'lishgan bo'lsa, “Liverpul” safarda “Bornmut”ni minimal hisobda mag'lub etdi.

5-tur natijalari:

“Brentford” 3:0 “Chelsi”
“Tottenxem” 2:3 “Aston Villa”
“Nyukasl” 2:1 “Xall”
“Everton” 1:0 “Ipsvich”
“Brayton” 3:0 “Arsenal”
“Nottingem Forest” 0:1 “Koventri”
“Manchester Siti” 5:3 “Sanderlend”
“Lids” 0:0 “Kristal Pelas”
“Bornmut” 0:1 “Liverpul”
“Fulxem” 1:1 “Manchester Yunayted”

Ispaniya: derbi “Atletiko”niki, “Barsa” hali ochko yo'qotmadi

Turning asosiy o'yini Madridda bo'ldi. “Atletiko” o'z maydonida “Real”ni 2:1 hisobida engdi. “Qaymoqranglilar” shu tariqa etti turda ikkinchi marta mag'lub bo'ldi va 15 ochko bilan to'rtinchi o'rinda qoldi.

“Barselona” esa hozircha to'xtamayapti. Kataloniyaliklar “Sevilya” mehmoni bo'lib, 3:1 hisobida g'alaba qozondi. Ettita o'yin - ettita g'alaba. “Barsa” 21 ochko bilan birinchi o'rinda, jamoa shu vaqt ichida 31 ta gol urishga ham ulgurdi.

Derbidagi g'alaban so'ng “Atletiko”ning ochkolari 16 taga etdi. “Betis”da ham shuncha ochko bor, ammo sevilyaliklar bu turda “Deportivo” bilan 1:1 hisobida durang o'ynadi.

7-tur natijalari:

“Espanol” 1:3 “Elche”
“Osasuna” 1:1 “Rayo Valekano”
“Atletik” 0:0 “Alaves”
“Selta” 5:0 “Rasing”
“Sevilya” 1:3 “Barselona”
“Xetafe” 1:0 “Malaga”
“Atletiko” 2:1 “Real”
“Vilyarreal” 3:1 “Levante”
“Deportivo” 1:1 “Betis”
“Valensiya” 2:3 “Real Sosedad”

Italiya: birinchi o'rin uchun uchta jamoa yonma-yon

A Seriyada besh turdan keyin “Roma”, “Inter” va “Lacio” 13 tadan ochko to'plab turibdi. To'plar nisbati yaxshiroq bo'lgan “Roma” birinchi o'rinda.

“Roma” bu turda “Inter”ni qabul qildi. Ikki bor darvoza ishg'ol qilingan qiziq o'yin 2:2 hisobida yakunlandi. Natijada har ikki jamoa ham mavsumda hali mag'lub bo'lmaganlar safida qoldi.

“Lacio” esa “Veneciya”ni 2:0 hisobida engib, yuqoridagi ikki jamoaga yetib oldi. “Milan” “Lechche”ni 3:0, “Yuventus” esa “Atalanta”ni 2:0 hisobida mag'lub etdi. “Rossoneri” ham besh turdan keyin hali yutqazgani yo'q.

5-tur natijalari:

“Monca” 2:1 “Sassuolo”
“Udineze” 0:1 “Kalyari”
“Bolonya” 1:1 “Torino”
“Roma” 2:2 “Inter”
“Veneciya” 0:2 “Lacio”
“Fiorentina” 1:1 “Napoli”
“Parma” 2:1 “Jenoa”
“Frozinone” 2:0 “Komo”
“Yuventus” 2:0 “Atalanta”
“Milan” 3:0 “Lechche”

Germaniya: “Bavariya” ettita urdi, Dortmund esa ochko yo'qotmayapti

“Bavariya” bu turda “Union”ni ayamadi - 7:0. Myunxenliklar to'rt o'yinda 14 ta gol urdi va 10 ochko bilan ikkinchi o'rinda turibdi.

Birinchi o'rin esa Dortmundning “Borussiya”sida. Jamoa “Shtutgart” mehmoni bo'lib, 1:0 hisobida g'alaba qozondi. Dortmundliklar hozirgacha o'tkazgan to'rtta o'yinining barchasida yutib, 12 ochko jamg'argan.

“Bayer” ham turni g'alaba bilan yakunladi. Leverkuzenliklar “Leyptsig”ni 2:0 hisobida engdi. Myonxengladbaxda esa haqiqiy gollar yomg'iri kuzatildi: “Maync” “Borussiya”ni 4:3 hisobida mag'lub etdi.

4-tur natijalari:

“Bavariya” 7:0 “Union”
“Verder” 3:2 “Augsburg”
“Gamburg” 2:1 “Kyoln”
“Ayntraxt” 2:2 “Frayburg”
“Borussiya Myonxengladbax” 3:4 “Maync”
“Shtutgart” 0:1 “Borussiya Dortmund”
“Bayer” 2:0 “Leyptsig”
“Shalke” 0:0 “Elversberg”
“Paderborn” 3:1 “Xoffenxaym”

Fransiya: PSJ “Marsel”ni engdi, birinchi o'rinda esa “Monako”

Fransiyada turning asosiy o'yini “Marsel” va PSJ o'rtasida kechdi. Parijliklar safardan 2:1 hisobidagi g'alaba bilan qaytdi. Shunga qaramay, PSJ besh turdan keyin 8 ochko bilan oltinchi o'rinda turibdi.

“Monako” esa “Lans”ni 2:1 hisobida engdi va 13 ochko bilan birinchi o'rinni saqlab qoldi. “Lion” ham yaxshi ketyapti. Jamoa “Renn”ni 4:0 hisobida tor-mor qildi va 11 ochko bilan ikkinchi o'rinda.

“Marsel” uchun esa mavsum boshi og'ir kechmoqda. PSJga qarshi mag'lubiyat jamoaning besh turdagi to'rtinchi mag'lubiyati bo'ldi. Hozir marselliklar 3 ochko bilan 17-o'rinda.

5-tur natijalari: