M.FUTBOLL.TV

Reyting. Gollar marafoni: yuzlik marrasiga kim tezroq?

24.11.2025 23:55   Ўқилди: 183

XXI asr futbolining rivoji shundan dalolat bermoqdaki, hujumchilar faoliyati tezlashdi, statistika samaradorlikka bog‘liq bo‘lib qoldi. Keyn, Xoland, Ronaldu va boshqalar — nafaqat gol urish, balki jamoa taktikasidagi asosiy hal qiluvchi bo‘g‘inga aylangan. 100 gol — bu faqat raqam emas. Bu sabr, mahorat va doimiy mehnatning yuksak darajadagi ifodasidir. Garri Keyn ayrim eng mashhur va buyuk futbolchilarni ortda qoldirib, o‘z faoliyatida 100ta golga eng tezkor erishgan futbolchiga aylandi. Hujumchilar maydonda hammasini osondek ko‘rsatishadi, ammo aslida gol urish — o‘yindagi eng og‘ir vazifa. Shuning uchun ham eng yaxshi markaziy hujumchilar transfer bozorida juda katta narxga basholanadi. Keynning yutuqlaridan so‘ng XXI asrda bir klub safida 100ta golni eng tez urgan futbolchilarni ko‘rib chiqamiz.

10. Kilian Mbappe («PSJ») - 137 o‘yin

U yoshligidanoq «Monako» bilan Chempionlar Ligasi yarim finaliga chiqib, Liga 1 g‘olibligini qo‘lga kiritganidan so‘ng «PSJ» uni katta mablag‘ evaziga sotib oldi. «PSJ» Neymar uchun 222 million yevro sarflagan yilning o‘zidayoq Mbappeni ham olib keldi. Mbappe Parijda o‘ta samarali o‘yin namoyish qildi va 137 o‘yinda 100 ta gol urib, kutilgan darajadagi natijani qayd etdi.

9. Robert Levandovski («Bavariya») - 136 o‘yin

Levandovski «Borussiya Dortmund» safida Yevropa miqyosidagi eng kuchli hujumchilardan biriga aylandi. U «Real» darvozasiga 2013 yil YECHL yarim finalida bir o‘yinda 4ta gol urgani bilan yodda qolgan. 2014 yilda u erkin agent sifatida «Bavariya»ga o‘tdi va Pep Gvardiola qo‘l ostida yanada samarali o‘ynadi. Gerd Myullerning 365ta gollik Bundesliga rekordini yangilay olmadi, ammo 312ta gol urib, 2020|21 yilgi mavsumda 41ta gol bilan Myullerning bir mavsumdagi natijasini ortda qoldirdi.

8. Edinson Kavani («Napoli») - 135 o‘yin

Kavani «MYU»dagi so‘nggi yillarida ham muxlislar mehrini qozongan bo‘lsa-da, u haqiqiy shiddatini «Napoli»da namoyon etgan. U 2010-2013 yillar orasida neapolliklar safida 138 o‘yinda 104ta gol urdi. Agar u kuchliroq jamoa­da o‘ynaganida, ehtimol, «San-Paulu» stadionida Maradona darajasidagi afsonaga aylanardi.

6-7. Ruud van Nistelroy («MYU») - 131 o‘yin

Fergyuson uning tizzasiga jarohat olgani uchun uzoq kutgan, ammo Van Nistelroy «Old Trafford»da tez orada haqiqiy gol mashinasiga aylandi. Pol Skoulzning ta’kidlashicha: «U bezohir gol urushga intilardi. Agar Genri o‘sha haftada gol urgan bo‘lsa, Van Nistelroy butun yo‘lda jim o‘tirardi — uning maqsadi dunyoda eng ko‘p gol urish edi».

6-7. Krishtianu Ronaldu («Yuventus») - 131 o‘yin

«Real» bilan 4 marta Chempionlar Ligasini yutib, turnirning tarixdagi eng yaxshi to‘purariga aylangan Ronaldu 2018 yilda «Yuventus»ga keldi. Turinliklar uni YECHLdagi so‘nggi «pazl bo‘lagi» deb bilishgan, ammo kutilgan natijalar bo‘lmadi — klub «Ayaks», «Lion» va «Portu»dan mag‘lub bo‘ldi. Shunga qaramay, Ronaldu 131 o‘yinda 100ta gol urdi va Italiyada ham samarali bo‘ldi.

5. Zlatan Ibragimovich («PSJ») - 124 o‘yin

2012 yilda «PSJ»ga kelgan Ibragimovich bu vaqtgacha Italiya, Ispaniya va Niderlandiyada chempionliklarni qo‘lga kiritgan edi. U Parijda 4 mavsumda ham chempionlikni yutib, har mavsumda kamida 30ta gol urdi. Oxirgi yili 51 o‘yinda 50ta gol urib, haqiqiy afsonaga aylandi.

4. Luis Suares («Barselona») - 120 o‘yin

«Liverpul»da raqib darvozabonlar uchun haqiqiy dahshat bo‘lgan Suares 2014 yilda «Barselona»ga rekord narxda o‘tdi. JCH-2014da Kyellinini tishlagani uchun 4 o‘yinlik diskvalifikasiya olgan bo‘lsa-da, u qaytib kelgach, Neymar va Messi bilan birga tarixiy uchlikni shakllantirdi. Birinchi mavsumdayoq 39 o‘yinda 25ta gol urdi va «Barselona»ga trebl (La Liga, Kubok va YECHL) sovrinlarini olib berdi.

2-3. Krishtianu Ronaldu («Real») - 105 o‘yin

2009 yilda dunyo rekordiga teng 94 mln. yevroga «Real Madrid»ga o‘tgan Ronalduning birinchi mavsumida trofey bo‘lmagan, ammo u 33ta gol urdi. Keyingi 6 mavsumda u har yili kamida 50ta gol urdi va natijada Raulni ortda qoldirib, klub tarixidagi eng yaxshi to‘purarga aylandi.

2-3. Erling Xoland («Manchester Siti») - 105 o‘yin

2022 yilda 51 mln. funt sterling evaziga «Siti»ga qo‘shilgan Xoland debyut o‘yinidayoq «Vest Xem» darvozasiga ikki gol urgan. Birinchi mavsumida u barcha musobaqalarda 38ta gol urdi va klub bilan treblni qo‘lga kiritdi. Uning 100ta golgacha yetishi uchun bor-yo‘g‘i 105 o‘yin yetarli bo‘ldi.

1. Garri Keyn («Bavariya») - 104 o‘yin

«Bir mavsumlik mo‘’jiza» degan ta’rifga sig‘maydigan natija. Keyn «Bavariya»ga o‘tgach, 100ta gol marrasiga atigi 104 o‘yinda yetishib, Levandovski va Ronalduni ham ort­da qoldirdi. Uning Germaniyadagi samaradorligi haqiqiy rekordlarga teng bo‘lmoqda.

A.ABDUVALIXO‘JAYEV tayyorladi

Futbol yangiliklari || Futbol habarlari || Футбол янгиликлари || Футбол хабарлари

Дўстларга юборинг: 

Бош сахифага қайтиш