M.FUTBOLL.TV

Mirjalol Qosimov: "Bugun to'p bilan muomala qila olmadik"

03.10.2025 22:56   Ўқилди: 789

- O'yin haqida fikringiz?

- G'alaba qozonishni juda xohlagandik. Lekin uchrashuv boshidagi xato qimmatga tushdi. Shogirdlarim ancha harakat qilishdi, ammo gol ura olmadik. "Qo'qon-1912"ni g'alaba bilan tabriklayman. Bugun oddiy vaziyatlarda ko'p xatoga yo'l qo'ydik. Albatta, mag'lubiyat sabablarini tahlil qilamiz. Hozir jamoaga kichik tatil berib, shundan so'ng yana mashg'ulotlarga qaytamiz. Oldinda qiyin o'yinlar kutyapti, jiddiy hozirlik ko'rishimiz kerak.

- Jamoangiz oxirgi ikki turda kutilmaganda mag'lubiyatga uchradi.

- Endi bu futbol, biz doim eng yaxshisiga harakat qilamiz. "Andijon" bilan kechgan bahsni olaylik, u erda ham birinchi bo'limda to'p o'tkazib, ikkinchi taym to'liq ustunligimizda kechgandi. Faqat gol ura olmagandik. "Andijon" esa yaxshi himoyalandi. Bugun "Qo'qon-1912" ham shunday o'ynadi. Bundan tashqari, maydonimiz juda achinarli holatda. Bilasiz, bizda to'p bilan muomala o'yinimizning asosiy jihatlaridan biri hisoblanadi. Bugun shuni ham namoyish eta olmadik.

- Bugun raqib safida Abror Karimov o'zini yaxshi ko'rsatishga harakat qildi.

- Buni tushunaman. Chunki Abror Karimov bizning futbolchimiz va uni ijara asosida Qo'qonga berganmiz. Unga ham o'yin amaliyoti kerak, bizda zaxirada o'tirib qolishi mumkin edi. Lekin Abror o'zimizga ham kerak va kelajakda OKMKga foydasi tegadi.

- Bu yil OKMK darvozabonlarida juda ko'p xatolar kuzatilyapti. Bu nima bilan bog'liq?

- Chindan ham bu yil xatolarimiz ko'p bo'ldi. Darvozabonlarni almashtirib ham ko'rdik. Chempionatimizda oson o'yinlar bo'lmayapti, har bir bahs o'ziga yarasha asabiy kechyapti. Superligamiz saviyasi oshgan deb bemalol ayta olaman. Darvozabonlarimiz xatosi ruhiyat bilan bog'liq deb o'ylayman.

Futbol yangiliklari || Futbol habarlari || Футбол янгиликлари || Футбол хабарлари

Дўстларга юборинг: 

Бош сахифага қайтиш