Бразилиялик собиқ футболчиси Роналдиньо ижтимоий тармоқдаги саҳифасида "Милан"нинг чемпионлик унвони ҳақида фикр билдирди.
Роналдиньо собиқ жамоасини турнир жадвалида биринчи поғонада кўрганидан жуда хурсанд эканлигини ёзган. Шунингдек, у "қизил-қоралар" жорий мавсумдаги ўйинлари билан Скудетто унвонига лойиқ эканлигини таъкидлади.
Эслатиб ўтамиз, А Сериянинг сўнгги турида "Милан" сафарда "Сассуоло"ни 3:0 ҳисобида мағлуб этиб, чемпионликни қўлга киритди. Стефано Пиоли шогирдлари иккинчи ўриндаги “Интер”дан икки очко кўпроқ жамғарди.