Эҳтимол, сиз уни А Сериядаги ўйинлари билан ёдга олмассиз: Сильва Испания (“Эспаньол”, “Малага”, “Севилья”) ва Англияда (“Портсмут”) ўйнаган, 2002 йилги Жаҳон Чемпионатида Уругвай термаси таркибида ҳаракат қилган. Шунингдек, “Дарионинг оёғини кесиб ташлашди” фожеаси билан ҳам кўпчиликка танилган...
У 1995 йил “Кальяри”га келган. Жованни Трапаттонининг ёнига уч марта Уругвай чемпионатининг энг яхши бомбардирини олиб келишган. Аммо аввалига Сильванинг Италиядаги ишлари бироз ўнгидан келмади. У биринчи мавсумни тўртта, иккинчисини эса 3та гол билан якунлади. “Кальяри” эса элитадан тушиб кетди. Бироқ шунда ҳам тиффозилар Дариони жуда яхши кўришарди. Сильва уларнинг ишончини оқлаш мақсадида шериги Муцци билан биргаликда қаторасига 30та гол урди ва жамоани яна А Серияга қайтаришга муваффақ бўлди.
“У шунчалик тез ҳаракат қилардики, баъзида нималар қилганини тушуниб улгурмасдим”, – дейди Муцци (“Кальяри”дан кейин “Удинезе”, “Лацио”ва “Торино” сафида тўп тепган ўйинчи). – “Ҳимоячилар учун бу юқори даража эди. Сильванинг техникаси ўзгача бўлмаса-да, ўйин учун борини берар ҳамда юқорига сакраб ажойиб гол урарди. Мен бундай координацияга эга ўйинчиларни жуда кам учратганман. У боши билан ўйнашини кўрсангиз... Тўғриси, буни сўз билан таърифлаб беролмайман. Худди баскетболчи Леброндек юқорига сакрай оларди. Ҳа, баъзида элементар нарсаларни тушунмасди. Лекин унинг голларини томоша қилсангиз, ақлдан озиб ёқангизни тишлаб қолардингиз”.
“Биз қалин дўстлармиз. У ажойиб, қувноқ ва ҳазилкаш йигит. Дарио билан ҳар бир ғалабали ўйиндан кейин пиво ичиш анъанага айланганди. Дўстим ҳалокатга учраганини эшитган заҳотим, унга қўнғироқ қилдим. У эса мени тинчлантиришга тушди: “Робби, ҳавотир олма, аҳволим яхши. Мен бир оёғим билан ҳам гол ура оламан...”
2006 йил сентябрда Сильва автоҳалокатга учради – у руль назоратини йўқотиб, машинадан отилиб чиқиб кетган. Ўнг оёғининг бир нечта суяклари майдаланиб кетган ва шунинг учун жарроҳлар унинг оёғини тиззасигача кесиб ташлашга мажбур бўлишган. “Буни менга айтишганида яшагим келмай қолди. Аммо кейин ўйлаб қолдим: агар мен бўлмасам ота-онам, яқинларимнинг аҳволи нима кечади...?”, – дейди Дарио.
2007 йил Сильва ясама оёқ (протез) билан юра бошлади. Аҳволи анча яхшиланган ўйинчи 2008 йил декабрь ойида MLS клубларидан бири "Торонто" билан музокара ўтказаётгани ҳақида гап-сўзлар тарқалган эди. Аммо шартнома тўлиқ амалга ошмаган. Бунинг аниқ сабаби маълум эмас. 2009 йил эса у майдонга тушди ҳамда Уругвай ва Аргентина фахрийлари иштирокидаги учрашувда 2та гол уришга муваффақ бўлди.
“Ҳаёт бир бор берилади, унинг қадрига етиб яшаш керак. Мен буни тушуниб етдим. Мендан аҳволимни сўраш учун кумирим — Марадона ҳам қўнғироқ қилганди. Бундан бошим осмонга етган. Энг аламлиси — ҳаёт кечиришим учун пул топишимда асосий вазифани бажарадиган танам аъзоси — оёғимдан айрилганим бўлди. Лекин шифокорлар тўғри қилишган экан. Акс ҳолда, ҳаётдан кўз юмишим мумкин эди. Операция жараёни 3,5 соат давом этган. Энг асосийси – олға интилиш учун ўзингизда куч топа олиш. Ҳаёт – улуғ неъмат, битта оёғингиз бўлмаса ҳам...”
Нозима Зарипова таржимаси
26.03.2024 20:50 Ўқилди 1122 Элдор Шомуродов яна жароҳат олди |
19.03.2024 23:50 Ўқилди 921 Жаҳон чемпионати-2030 расмий логотипи намойиш этилди |
20.03.2024 09:50 Ўқилди 801 Goal 2005 йилдан кейин туғилган вундеркиндлар рейтингини тузди |
26.03.2024 07:25 Ўқилди 786 Бугун терма жамоамиз кейинги босқич масаласини ҳал қилиши мумкин |
20.03.2024 09:44 Ўқилди 726 Мухлислар Месси ўйнамаган ўйин учун пулларини қайтаришни талаб қилмоқдалар |
26.03.2024 05:22 Ўқилди 705 XXI асрда ўз ампуласида энг кўп гол урган футболчилар рамзий жамоаси (фото) |
19.03.2024 08:00 Ўқилди 597 «Атлетико»га қарши учрашувда қизил олган Хави нечта ўйинга четлатилиши маълум |
25.03.2024 10:25 Ўқилди 582 «Кимдир ўлдими?». Месси «Интер Майами»га ўтишини эшитган Дэвид Бекхэм ётган жойида йиғлаб юборган экан |
26.03.2024 09:50 Ўқилди 531 FourFourTwo. Бразилия тарихидаги энг яхши футболчилар рейтинги тузилди |
26.03.2024 22:50 Ўқилди 513 Хитой футбол ассоциациясининг собиқ раҳбари порахўрликда айбланиб, умрбод қамоқ жазосига ҳукм қилинди |