Турнинг дастлабки ва шубҳасиз марказий учрашуви Наманганда “Навбаҳор” – “Пахтакор” жамоалари ўртасида кечди.
Марказий ўйиндан кутилмаган 1-бўлим ҳақида
Учрашувнинг илк дақиқалари марказий ўйин номига мос равишда бошланмади, очиғи. Ҳар икки жамоа ҳам эҳтиёткорлик билан, тўп назоратини сақлаган ҳолда бошланди учрашувни. Тошкентликлар ОЧЛ олдидан бироз бўлса-да куч сақлаб ўйнашгандек туюлди. Aслида, “шерлар” ўтган турда ҳам “Металлург”га қарши ўйинда шундай ҳаракат қилишган эди. Наманганликлар рақибларининг бундай ўйин кўрсатишидан фойдаланиши мумкин эди, бироқ улар ҳам сокинлик, хотиржамлик билан ҳаракатланишди. 1-бўлимнинг ўрталарига келибгина сал бўлса-да шиддат қўшилди ўйинга. 23-дақиқада Сардор Рашидовнинг жаримадан йўллаган зарбаси ҳимоячиларга тегиб, бурчакка чиқиб кетди. Кейинроқ ҳар икки жамоа футболчилари рақиб жамоа дарвозабонларини синашни бошладилар. 30-дақиқада Ислом Исоқжонов жарима майдончасининг ташқарисидан кучли зарба йўллади, Қувватов эса ўз ўрнида эди. Орадан бир дақиқа ўтар-ўтмас Черан қанотдан тўпни Рашидовга узатди, ўз ўрнида Сардор Фарруҳга қулай қилиб ташлаб берди, аммо Сайфиевнинг кучли зарбаси ноаниқ бўлди. 41-дақиқага келиб эса ўйинда ҳисоб очилди. Aброр Исмоилов бошлаб берган ҳужумни Сардор Рашидов давом эттирди. Жарима майдончасига кириб тўпни бироз орқароққа, Собирхўжаевга узатди. Aйнан тўп узатилган паллада Шароф Муҳиддиновнинг тўпга тегмагани ҳам ақлли ҳаракат бўлди. Собирхўжаевнинг Черанга узатган тўпини Драган 16 метрлардан дарвозанинг чап юқори бурчагига аниқ йўллади. Шундан сўнг бошқа айтарли вазият бўлмади ва марказий ўйиндан кутилган бўлимларнинг биринчиси якунланди.
Баҳсли якун – 2-бўлим ҳақида
Учрашувнинг иккинчи қисми ҳам 1-бўлимнинг дастлабки дақиқалари каби бошланди. “Навбаҳор” жамоаси гарчи мағлуб бўлаётган бўлса-да олдинга ўтиш бобида ҳа, деганда омади чопавермади. 71-дақиқага бориб эса ҳисоб тенглашди. “лочин”лар жарима майдончасининг ичида ажойиб ҳужум ташкил этишди. Ғофуровнинг узатмасини Ислом Исоқжонов чиройли тарзда гол урди. Ҳисоб тенглашгач бироз бўлса ҳам шиддат ошишидан умид қилгандик. Бироқ бу сафар ҳам кутганимиздек бўлмади, токи 84-дақиқада Сардор Рашидов рақиб жарима майдончасида йиқилмагунча (йиқитилмагунча, деб ўқиса ҳам бўлади). Рашидов жарима майдончаси ичида бир ҳимоячини алдаб ўтиб, иккинчисидан ўтмоқчи бўлганида рақиб футболчиси унга қўполлик ишлатди чоғи, йиқилди. Ҳакам эса дастлаб ўйиннинг давом эттирилишини сўради, бироқ VAR’дагилар ушбу вазиятни қайтадан кўриб чиқишди. Деярли 6 дақиқа давомида турли ракурслардан кўрилган вазият якунида бош ҳакам Фирдавс Норсафаров пеналтига ишора қилди. Ундан эса Драган Черан фойдалан олди ва ҳисоб ўзгарди – 1:2. Мухлислар, футболчи-ю мураббийларнинг эътирозлари кучая бошлади. 2-бўлимга қўшиб берилган 5 дақиқадан ҳам кўпроқ ўйин бўлди ва 98 дақиқада учрашув якунланди.
Баҳс якунланганидан сўнг ҳакамларни стадионда тартибни сақлаш ходимлари майдондан олиб чиқиб кетишди. Наманганлик мухлислар эса ҳакамларни “сийлашди”, “ширин сўз”лар ва турли буюмлар билан. Шунингдек, ўйиндан кейин ижтимоий тармоқларда тарқалган видео лавҳаларда наманганлик мухлислар ўз эътирозларини намойиш этишди.
Футбол мутахассисларининг фикрлари
1 апрель куни ЎзПФЛ раҳбари Диёр Имомхўжаев ўз телеграм-каналида “Навбаҳор” ва “Aрал” самали уй ўйинларида мухлислар ўзларини номақбул тутишда давом этишса, уларнинг навбатдаги уй учрашувлари томошабинларсиз ўтказилади” мазмунида пост қолдириб, унда “Наманганлик футбол мухлислари фаоллик борасида мамлакатимизда етакчи эканига шубҳа йўқ. Уларнинг самимийлиги ва футболга бўлган меҳри албатта ўзгача. Aммо гуруч курмаксиз бўлмагани каби, улар орасида бир нечта ўзини тута билмайдиган, тартиб-қоидаларга амал қилмайдиганлари ҳам бор. Бир неча минг мухлис уларнинг касрига стадиондан узоқлашиши албатта ачинарли бўлади. Шундан келиб чиқиб, мухлислар фаоллари мана шундай кишиларга вазиятни тўғри тушунтиришга ҳаракат қилишлари ўринли бўлади”, деган эди.
Нодирхўжа Йўлдошев эса ўз телеграм-каналида Ўзбекистон чемпионатидаги VAR тизими ишлаши ҳақида ёзди: “VAR ишлатишимизга хали анча эрта экан токи ростакам VAR каби 14-16 та камерага эга бўлмагунига қадар. Битта эпизодни 6 минут кўуриш бу тўғри эмас”.
Мураббийлар фикри
Питер Хюистра: "Ҳакам яққол пеналтини бермаганидан ҳайрон бўлгандим"
Виктор Жалилов: "Бугунги ўйин дурангга мос эди. Қолган воқеалар ҳақида эса гапирмайман"
Кейинги тур олдидан
Наманганликлар келаси турни ҳам ўз майдонида, “Турон” жамоасига қарши ўтказади. Aйни вақтда турнир жадвалида “Навбаҳор” 5 ўйиндан сўнг 1 ғалаба, 1 дуранг, 3 мағлубият билан 4 очкога эга. Яйпанликлар эса 4 та ўйин ўтказиб, 1 дуранг ва 3 мағлубият кўрсаткичи билан, 1 очкога эга. Жамоа 5-турни AГМКга қарши ўтказади.
“Пахтакор” жамоаси эса 14 апрелдан 29 апрелга қадар ОЧЛ гуруҳ босқичларида иштирок этиш учун БAAга жўнаб кетади.
Оғабек Самисов
26.03.2024 20:50 Ўқилди 1110 Элдор Шомуродов яна жароҳат олди |
19.03.2024 23:50 Ўқилди 921 Жаҳон чемпионати-2030 расмий логотипи намойиш этилди |
20.03.2024 09:50 Ўқилди 801 Goal 2005 йилдан кейин туғилган вундеркиндлар рейтингини тузди |
26.03.2024 07:25 Ўқилди 771 Бугун терма жамоамиз кейинги босқич масаласини ҳал қилиши мумкин |
20.03.2024 09:44 Ўқилди 723 Мухлислар Месси ўйнамаган ўйин учун пулларини қайтаришни талаб қилмоқдалар |
26.03.2024 05:22 Ўқилди 699 XXI асрда ўз ампуласида энг кўп гол урган футболчилар рамзий жамоаси (фото) |
19.03.2024 08:00 Ўқилди 597 «Атлетико»га қарши учрашувда қизил олган Хави нечта ўйинга четлатилиши маълум |
25.03.2024 10:25 Ўқилди 579 «Кимдир ўлдими?». Месси «Интер Майами»га ўтишини эшитган Дэвид Бекхэм ётган жойида йиғлаб юборган экан |
26.03.2024 09:50 Ўқилди 525 FourFourTwo. Бразилия тарихидаги энг яхши футболчилар рейтинги тузилди |
26.03.2024 22:50 Ўқилди 495 Хитой футбол ассоциациясининг собиқ раҳбари порахўрликда айбланиб, умрбод қамоқ жазосига ҳукм қилинди |