M.FUTBOLL.TV

"Барселона" 3:0 "Ференцварош" LIVE

Гол: 1:0 -  Месси (пенальти) 17, 2:0 - Фати 42, 3:0 - Коутиньо (52).

Барселона – Нето, Лангле, Дест, Серджи Роберто, Пике, Пьянич, де Йонг, Фати, Коутиньо, Тринкау, Месси.

Ференцварош – Дибус, Ботка, Ковачевич, Блажич, Чивич, Изаэл, Харатин, Зубков, Шигер, Нген, Лаидуни. 

САҲИФАНИ ЯНГИЛАШ

58. Леога нисбатан қоида бузилди. Месси ўзи учун қулай нуқтадан стандарт ишлади.

57. Сергей Ребров шогирдлари чап қанотдан қарши ҳужумга ўтишди. Бироқ, Зубковнинг жарима майдонига оширган узатмасига аниқлик етишмади.

52. Голлллл! Коутиньо ҳисобни 3:0 кўринишига олиб келди. Месси жарима майдони ичида рақибларини чалғитиб, тўпни Фатига оширди, Ансу тўпни бразилиялик ярим ҳимоячига ўтказиб юборди. Коутиньо бир уриниш билан дарвозабоннинг яқин бурчагини ишғол қилди.

49. Жарима майдончаси ичида турган Тринкаунинг зарбасига аниқлик етишмади.

46. Иккинчи бўлим старт олди! Тўпни ўйинга "Барселона" футболчилари киритиб берди.

Сандро Шерернинг ҳуштаги чалинди, танаффус!

45. Биринчи бўлимга ҳеч қанча вақт қўшиб берилмади.

44. Тринкауга нисбатан майдон марказига яқин нуқтада қоидани бузган Элдар Чивичга сариқ карточка кўрсатилди.

42. Гооооол! Ажойиб ҳужум, ўйинда ҳисоб ўзгарди. Френки де Йонг жарима майдончаси ичига юқорилатиб, қойилмақом тарзда ташлаб берган тўпни Ансу Фати бир уринишда даврозага киритиб қўйди - 2:0!

39. Нгуэн Зубковни яхши вазиятга чиқарди, аммо венгрияликлар ҳужумчисининг зарбасига куч ва аниқлик етишмади.

37. Ухх! Месси дарвозабон билан бирга-бир вазиятга чиқиб, зарба берди. Тўп тўсинга тегиб қайтди, шундан кейин қанот ҳаками ўйиндан ташқари ҳулатни қайд этди. 

36. Хавфли вазият! Жарима майдончасига ёриб кирган Тринкау тўпни марказга ташлади. Ансу Фатининг зарбасидан кейин ҳисоб ўзгариши мумкин эди, аммо Денеш Дибус навбатдаги бор сэйв кўрсатди.

35. Робертога майдон ташқарисида ёрдам кўрсатиляпти. Каталонияликлар айни дақиқаларда майдонда бир киши кам бўлиб қолишган.

32. Учрашувни бошқариб бораётган Сандро Шерер Серхи Робертога нисбатан қўпол ўйнаган Лаидунига сариқ карточка кўрсатди.

30. Фати жарима майдони ташқарисидан зарба йўллади, аммо Ансу тепган тўп Дибусга қийинчилик туғдирмади.

27. Аргентиналик форварднинг ўзи 11 метрлик жарима зарбасини амалга оширди, гол - 1:0!

26. Жарима майдончаси ичига ёриб кирган Ковачевич қўполлик билан тўхтатиб қолди. Пенальти!

23. Месси тўпни Коутиньога етказиб берди. Бразилиялик хавбекнинг айланма зарбасига озгина аниқлик етишмади.

22. Чивич ўз жарима майдони яқинида Франсишку Тринкауга нисбатан қоидани бузди. "Барса"да стандарт. 

20. Венгерлардан хавфли ҳужум! Нето ожиз қолганди, бироқ, Исаэлнинг кучли зарбаси дарвоза тўсинига тегиб ортга қайтди.

17. Яна бир голли вазият! Лео Мессининг зарбасини Дибус бартараф қилди, тўп Фатига бориб тушди. Ансуда зарба йўллаш учун журъат етишмади. У тўпни марказга узатди, ҳимоячилар яхши ўйнаб, ҳужумни бартараф қилишди.

11. "Ференцварош" қарши ҳужумни муваффақиятли якунлади, аммо Нгуэннинг голи ҳисобга олинмади -оффсайд! 

8. Коутиньо бурчакдан етказиб берган тўпга Лангле боши билан зарба берди. Тўп дарвоза тўсини устидан ошиб, майдонни тарк этди.

6. Месси жаримадан тўпни дарвозага тепди, кипер ўз ўрнида.  

5. Ансу Фати қўполлик билан тўхтатиб қолинди. "Ференцварош" жарима майдони яқинида жарима зарбаси белгиланди.

2. "Ференцварош" ҳужумчиси ўйиндан ташқари ҳолатда қолди.

1. Учрашув старт олди. Тўпни ўйинга меҳмонлар киритиб беришди, кетдик!

Чемпионлар Лигасининг "G" гуруҳи жамоалари ўртасидаги учрашув бошланишига саноқли дақиқалар қолди. Бугун "Барселона" ўз майдонида "Ференцварош" — Венгриянинг 30 карра чемпионини қабул қиляпти. Гуруҳ иштирокчилари ўртасидаги нариги учрашувда "Ювентус" "Динамо" (Киев)ни мағлуб қилди.