M.FUTBOLL.TV

Анвар Бердиев: "Майдон борасида муаммолар бор, жамоамиз раҳбарлари жон куйдиришмоқда"

16.09.2020 14:00 Ўқилди: 1287

Про лига 6-туридан ўрин олган "Хоразм" - "Истиқлол"(0:1) учрашувидан сўнг меҳмонлар мураббийи Анвар Бердиев фикрларини билдириб ўтди.

"Ва ниҳоят ғалаба қозондик. Бу мавсумда Про лигада ўткинчи ўйинларни ўзи йўқ. Ҳар бир очко олтинга тенг бўлмоқда. Биламиз, жорий мавсумда Про лигада формат ўзгарган. Кучли тўртликка кириш учун кураш охирги турга қадар давом этса керак. Ҳали ҳеч нарса йўқотмаганмиз, кучли тўртликка кириш учун ҳаракат қиламиз. "Хоразм"ни бугунги ўйинини олиб қарайдиган бўлсак ҳали кўп жамоаларга бош оғриқ бўлади.

Телевизорда томоша қилган бўлсангиз "Турон", "Нефтчи" билан ўйинларда жуда кўп вазиятлар яратмоқдамиз. Лекин, гол уришга келганда омад юз ўгирмоқда. Омадни ҳам рўкач қилмаган бўлардим. Мана бугун пенальтидан ҳам гол ура олмадик. Ўйинни таҳлил қиламиз. Машғулотларда ишлаймиз. Эътиборни вазиятларни голни айлантиришга қаратдик.

"Динамо", "Турон", "Оқ-тепа" "Нефтчи" жиддий кураш олиб боради. Ҳаммада имконият бор. "Хоразм"ни ҳам сафдан чиқармасликни сўрардим. Ким ўйинга тайёр бўлса ўша жамоа ғалаба қозонмоқда. Ўйинчини тажрибаси ёки номлар ҳеч нарсани ҳал қилмаяпти.

Майдон борасида муаммолар бор. Жамоамиз раҳбарлари жон куйдиришмоқда. Бу муаммо тез орада ҳал бўлади деган умиддамиз. Вилоят ҳокими ҳам бизнинг жамоага бефарқ эмас. Вазият ижобий томонга ҳал бўлади деган умиддамиз",- дейди Анвар Бердиев.