"Иккита буқа бўлишган". Аршавин фаолиятидаги энг қийин рақиблар кимлигини айтди
02.04.2020 10:21 Ўқилди: 720
"Арсенал" ва Россия терма жамоаси собиқ ўйинчиси Андрей Аршавин фаолияти давомида қарши ўйнаш энг қийин бўлган икки футболчи номини айтиб ўтди.
"Менинг вақтимда ажойиб ўйинчилар жуда кўп эди. "Манчестер Юнайтед", "Ливерпуль" ва "Челси"да. Лекин, ҳаммадан ҳам кўра кўпроқ Рио Фердинанд ва Неманья Видичга қарши ўйнаш қийин эди. Улар майдонда бирга тўп тепишганда худди иккита буқа бўлишган. Улардан ўтиб бўлмасди", - деди Аршавин.
Аршавин 2009 йилдан 2013 йилгача Лондоннинг "Арсенал" клуби сафида ҳаракат қилган. Россиялик "канонирлар" учун 105 ўйинда 23та гол урган.