Балотелли коронавирус туфайли Италия чемпионатини тўхтатиш кераклигини айтмоқда
08.03.2020 09:00 Ўқилди: 696
“Брешия” клубининг 29 ёшли италиялик форварди Марио Балотелли Италия футбол ассоциация вакилларидан бирининг А серия баҳсларини мухлисларсиз ўтказмаслик ва уларни футболдан завқ олишларини чекламасликлари ҳақидаги фикрларига ўз муносабатини билдирди.
“Пул бизнинг соғлигимиздан юқори турмайди. Уйқудан кўзни очайлик. Мен футболни сизданда яхшироқ кўраман. Аммо майдонга тушиш учун автобус, поезд, самолётда сафарга чиқишим, меҳмонхонада тунаб қолишим ва ҳар қандай ҳолатда ҳам иш жараёнида турли инсонлар билан мулоқотда бўламан. Лаънати коронавирус туфайли фарзандларим билан кўриша олмаяпман. Чунки улар Ломбардияда яшашмайди. Бу ҳолат мени асабийлаштирмоқда ва қайғуга солмоқда.
Деярли ҳар куни мен билан кўришадиган онам мен орқали жабр чекишини истамайман. У менинг ёшимдек ёш эмас. Лекин у футболни ҳамма қатори севади. Мен вирусга чалинишни истамайман. Керак эмас. Кимнидир ҳайратда қолдириш керакми? Ёки футболга келган инсонлар соғликларини хавф остига солишлари керакми? Кулгуга қолманг! Соғлик билан ҳазиллашиб бўлмайди”, дея футолчининг сўзларидан иқтибос келтирмоқда Football-Italia.