Агар кимдир МЮни сотиб олмоқчи бўлса, Глейзерлар оиласига 2,4 миллиард фунт тўлашига тўғри келади.
Молиячиларнинг ҳисоб-китобига кўра, дунёдаги атиги 20та одам харид учун етарлича капиталга эга ва клубни сотиб олиши мумкин.
Шу билан бирга эҳтимолий харидор клубни сотиб олганидан сўнг "Олд Траффорд"ни таъмирлашига тўғри келади. Бу эса 200 миллион фунтга тушиши мумкин.
Эслатиб ўтамиз, Глейзерлар "Манчестер Юнайтед"ни 2005 йилда 790 миллион фунт эвазига сотиб олишган эди.