Дортмунднинг "Боруссия" клуби ҳужумчиси Эрлинг Холанд нега "Манчестер Юнайтед" таклифини рад этгани ҳақида гапирди.
"Оле Гуннар Сульшердан жуда ҳам миннатдорман. Унга катта раҳмат айтаман, ҳозирда менда бор нарсаларга у туфайли эришдим, аммо мен "Боруссия" вариантини энг яхшиси деб билдим.
Кўпчилик мени маош туфайли бу клубни рад этган деб ўйлайди, аммо мен бундай миш-мишларга аҳамият бермайман. Менга яқин одамлар билишадики, мен биринчи навбатда футболга эътибор қаратаман", - дейди 19 ёшли тўпурар.