УЕФА Чемпионлар лигаси янги мавсуми учун қуръа ташлаш маросими бошланиш арафасида.
ЯНГИЛАШ
Ассалому алайкум қадрли футбол ишқибозлари! УЕФА Чемпионлар лигасининг янги мавсуми бошланмоқда. Бир неча сониялардан сўнг гуруҳ босқичига қуръа ташлаш маросими бўлиб ўтади.
Гуруҳ босқичида 32 жамоа қатнашади. 4 та саватчага 32 та жамоа тенг ажратилган. Ҳар бир саватчадан биттадан клуб танлаб олинади ва ҳамма ўз рақибларини билиб олади.
ЯНГИ МАВСУМ >>>> ТАҚВИМ
Россия ва Украина жамоалар сиёсий вазият туфайли бир гуруҳда бўла олишмайди. Шунингдек, битта давлатдан 2 клуб ҳам гуруҳ босқичида тўқнаш келмайди.
Шунингдек, бугунги маросимда қуйидаги номинация бўйича ғолиблар аниқланади:
• Ўтган мавсум якунларига кўра УЕФАнинг энг яхши футболчиси
• Ўтган мавсум якунларига кўра УЕФАнинг энг яхши аёл футболчиси
• ЕЧЛ 2018/19 мавсумининг энг яхши дарвозабони
• ЕЧЛ 2018/19 мавсумининг энг яхши ҳимоячиси
• ЕЧЛ 2018/19 мавсумининг энг яхши ярим ҳимоячиси
• ЕЧЛ 2018/19 мавсумининг энг яхши ҳужумчиси
Эслатиб ўтамиз, ўтган мавсум якунларига кўра "Реал" футболчиси Лука Модрич УЕФАнинг энг яхши футболчиси деб топилганди.
Жорий йил эса ғолибликка даъвогар футболчилар қаторидан Лионель Месси («Барселона», Аргентина), Виржил Ван Дейк («Ливерпуль», Голландия), Криштиану Роналду («Ювентус», Португалия) ўрин олган.