"Биз интизом ва юқори маҳорат даражасини намойиш этдик, ўзбек жамоасининг хавфли ҳаракатларини бартараф этдик ҳамда ўйинни ўзимизга керакли бўлган тарзда бошқара олдик.
Рақибимизни юқори тезликда ўйнашга мажбур қилдик. Мухлисларни алоҳида табриклайман, улар жамоани кутиб олишдан бошлаб жуда муҳим роль ўйнадилар. Бу Чемпионлар лигасига муносиб ўйин бўлди. Ушбу мусобақада ғалаба қозонишга мухлисларнинг катта иштиёқи бор ва биз жамоа сифатида бу иштиёқни ҳис қиляпмиз. Биз Ўзбекистондан вазиятни ўзгартира олишимизга тўлиқ ишонч билан келгандик" - дея фикр билдирди Жорже Жезус "Пахтакор" устидан қозонилган ғалабадан сўнг.
Жамоанинг бугунги ўйини ва аввалги ўйинлар ўртасидаги фарқ ҳақида:
"Чемпионлар Лигаси менинг шахсий мақсадим. Жанубий Америка минтақасидаги шундай мусобақада ғолиб бўлганман ва Осиёда ҳам ғолиб бўлишни истайман. Фарқ шундаки, февраль ойида биз фақат тикланиш машқларини ўтказдик ва вақт танқислиги туфайли уларни мукаммал тарзда бажара олмадик. Айнан шу ҳолат ўтган ўйинлар билан бугунги ўйин ўртасидаги асосий фарқни юзага келтирди. Биз ҳар уч кунда ўйин ўтказмоқдамиз"
Жамоанинг кўплаб жароҳатлар фонидаги кейинги ўйинга тайёргарлиги ҳақида:
"Мен бундай мусобақаларда иштирок этиш бўйича катта тажрибага эгаман. Европада ҳам, Бразилияда ҳам тиғиз жадвал шароитида ишлаганман, бироқ жамоа таркиби кенг бўлиши керак. Бу йил ўйинчилар рўйхати қисқартирилгани сабабли, "Ал-Наср" ва "Ал-Аҳли"да ҳам, бизда ҳам, ротация қилишга имконият камайди. "Реал Мадрид" каби барча етакчи клублар ҳам тақвим зичлиги туфайли кўплаб жароҳатлар билан тўқнашади.
Баъзилар жамоанинг жисмонан тайёр эмаслиги ёки бунга фитнес мураббий айбдор, деб айтаётганини кўрдим. Бундай фикрдагилар яхшиси жим турсин. Масала жисмоний юкламалар билан эмас, уларнинг ўйинлар ва тикланиш орасидаги тақсимоти билан боғлиқ. Айнан тайёргарлик дастурини танқид қилаётганлар бу борада мутлақо ноҳақлар. Улар ҳеч нима тушунишмайди.
Танаффусдан олдин яна бир ўйинимиз бор. Кейинги учрашув мен учун финалга тенг. Мақсадимиз яна чемпионликни қўлга киритиш ва бу жуда муҳим. Осиё Чемпионлар лигаси мен учун алоҳида аҳамиятга эга, бироқ миллий чемпионат ҳам устувор ҳисобланади, шу сабабли футболчиларнинг тикланиши ҳал қилувчи омил бўлади"
Ажойиб ва қизиқ янгиликлар | 12.01.2026 00:08 Ўқилди 136330 Ispaniya Superkubogi. "Barselona" va "Real" bosh sovrin uchun kurash olib bormoqda (onlayn hisob) |
 | 09.01.2026 00:00 Ўқилди 30835 "Arsenal" - "Liverpul". Tarkiblar malum |
 | 11.01.2026 23:40 Ўқилди 18094 Angliya kubogi. "Manchester Yunayted" turnirni tark etdi |
 | 12.01.2026 00:00 Ўқилди 16806 Bundesliga. "Bavariya" o'z uyida "Volfsburg"ga 8 ta gol urdi |
 | 11.01.2026 23:16 Ўқилди 5948 “Navbahor” o'z safiga gruziyalik futbolchini qo'shib oldi, u bunga qadar ham O'zbekistonda o'ynagan |
 | 09.01.2026 00:48 Ўқилди 5856 Iroq yulduzlar ligasi. "Erbil" Temirovning dubli evaziga mehmonda g'alabaga erishdi, hamyurtimiz to'purarlar poygasida yaqqol etakchilik qilmoqda |
 | 11.01.2026 21:16 Ўқилди 4864 Laporta: "Saudiya Arabistoni jahon futbolining markaziga aylanmoqda" |
 | 08.01.2026 23:16 Ўқилди 4566 "Xorazm" o'tgan mavsum Superligada to'liq o'ynagan yagona o'yinchini o'z safiga qo'shib oldi |
 | 11.01.2026 19:48 Ўқилди 4458 "Real" yangi shartnoma bo'yicha Emirates’dan yiliga 100 mln olishi mumkin. Klub Adidas va HP’ni hisobga olgan holda futbolkada 300 million homiyga ega bo'lishni xohlaydi |
 | 09.01.2026 01:48 Ўқилди 3901 Kanselu ertaga "Barsa" uchun tibbiy ko'rikdan o'tadi. Klub barchasini "Al Hilol" va Mendesh bilan kelishib oldi |
Маълумот
Реклама
Сайт хақида
