M.FUTBOLL.TV

Леонардо Жардим: "Бир кун келиб миллий терма жамоада ишлашни хоҳлайман. Бу Осиё жамоаси бўлиши мумкин"

02.12.2024 23:56 Ўқилди: 1365

Бугун “Пахтакор” – “Ал-Айн” учрашуви олдидан ўтказилган матбуот анжуманида Championat.Asia мухбири Николай Егоричев меҳмонлар бош мураббийи Леонарду Жардимга савол билан юзланди.

“Сиз бир неча йил давомида араб мамлакатлари клубларида ишлагансиз. Бу вақт ичида сизга Европа клубларидан қизиқиш бўлганми? У ерда яхши натижаларга эришгансиз".

“Ал-Айн” вакиллари бу саволнинг “Пахтакор”га қарши ўйинга бевосита алоқаси йўқлигини изоҳлаб, Жардимга жавоб беришга имкон беришмади. Бироқ матбуот анжуманидан сўнг, очиқ машғулотдан олдин Леонардо барибир жавоб беришга қарор қилди.

- “Монако”да ишлаганимда топ-клублардан таклиф кутгандим, лекин ўшанда менга ҳеч ким қизиқиш билдирмаганди. Мен чинакам топ жамоаларни кутгандим. Аммо мен билан қизиққан клубларнинг ҳаммаси ҳам ўз олдиларига етарлича юқори мақсадлар қўйишмаган. Мен чемпионлик учун курашишни, Чемпионлар лигасини ютишни хоҳлардим. Якунда мен ғалаба қозондим, лекин Осиёда - "Ал-Ҳилол" билан.

Менга араб мамлакатларида яшаш ёқади (Жардим “Ал-Ҳилол”, “Шабаб Ал-Аҳли” ва “Ар-Райян”да ишлаган – “Championat.Asia”). Ҳаёт учун керак бўлган ҳамма нарса бор, футбол даражаси яхши. Оиламга ҳам қулай. Бундан ташқари, биз турли жойларда яшашни ва турли маданиятларни ўзлаштиришни яхши кўрамиз.

Охирги пайтларда ҳеч қайси жиддий клуб менга қизиқиш билдирмаяпти. Умуман олганда, мен қачондир терма жамоада ишлашни хоҳлайман. Эҳтимол, Осиёда. Асосийси, яхши ва юқори мақсадли жамоа бўлгани.