M.FUTBOLL.TV

"Менинг жамоаларимга мослашиб олиш учун вақт берилмаган, десам ҳам бўлади. Бу ерга келганимдаги илк мавсумимда ҳеч нима ютмагандик ва бу ҳақиқий фалокат бўлганди. Нимага? Одамларнинг фикрича, АПЛ Пепга оғирлик қилган ва бу ерга мослаша олмайди дейишган.

Ҳозир эса улар АПЛ совринини ҳудди биз ютишга мажбурдек қабул қилишмоқда. Агарда юта олмасак, мавсум провал ўтган деб ҳисоблашади. Бироқ бошқалар учун эса бу катта ютуқ бўлади. Аслида Премьер-лигани бошқа жамоа ютмаса ҳам ҳеч нима бўлмагандек. Чунки бизнинг стандартларимиз юқорилашиб кетди.

Айни дамда Премьер-лигани ютмаса, жуда катта муваффақиятсизликка учрайдиган жамоа - биз. Қолганлар учун катта муваффақият. "Арсенал", "Ливерпуль", "Челси" ҳам барчасини бирданига ютиб ташламаган. Бироқ улар учун бу нормал ҳолат.

"Манчестер Сити" ғалаба қозониши керак. Бу адолатсизлик. Ҳар ҳафтада, ҳар уч кунда, ҳар йилда доимо бир хил бўлиш имконсиз. Рақибларимизга қаранг, улар ҳам ғалабалар қозониш йўлида. Биз ҳам шу руҳда давом этишимиз керак.

Ҳар доим ёмон ҳолатлар бўлиб туради. Шу сабабли бундай пайтларда мен юқори мақтовларга алданиб қолмайман. Футболда ва спортда энг қийини - ғолиб бўлиш, ғолиб бўлиш ва ғолиб бўлиш.

Узоқ йиллар давомида футболда жуда катта ишлар қилдик, турнир ғолиблиги учун асосий фаворит бўлдик. ЕЧЛ ярим финалидан чиқиб кетганимизда барча буни катта фалокатга қиёслади. Лекин ўшанда биз финал даражасига мос эмасдик", - деди Гвардиола.