M.FUTBOLL.TV

Англиянинг Лондон шаҳрида Халқаро футбол ассоциациялари кенгашининг (ИФАБ) йиғилиши бўлиб ўтади.

Йиғилишда тоза ўйин вақти, ўйиндан ташқари ҳолат ва аввал гапирилмаган янги қоидалар муҳокама қилинади. 2023/24 йилги мавсум футболда нималар ўзгариши мумкин?

— "Marca" нашрининг ёзишича, кейинги мавсумдан кучга кирадиган қоидалардан бири: захира футболчилари майдонга чиқиб кетган тадбирда ҳам урилган голлар бекор қилинмайди.

— Тўртинчи ҳакам сардорлик боғичидаги ўйинчи доим майдонда бўлишини назорат қилади. Кўпинча сардор алмаштирилса, у боғични бошқа футболчига беришни унутиб, захирага кетган вақтлар ҳам бўлади.

— Гол нишонлашлар ҳам қўшиб берилган дақиқаларнинг бир қисми бўлади. Урилган голни бир ёки бир ярим дақиқадан ортиқ нишонлаш мумкин эмас.

— Дарвозабонлар пенальти ижрочисини чалғитиши мумкин эмас. Масалан, турли ҳаракатлар билан рақибга босим ўтказиш, вақтни чўзиш, дарвоза устунларига ва тўрларига тегиниш тақиқланади.

— Ҳакамнинг рухсатисиз майдонни тарк этган ҳимояланаётган жамоа ўйинчиси дарвоза ёки қанот чизиғида бўлган ҳисобланади. Ҳужум қилаётган футболчи эса фаол фазада иштирок этмаслик учун майдонни тарк этиши ёки майдон четида қолиши мумкин.

— Агар ўйинчи майдон чегарасидан чиқиб кетиб, ҳакам ҳуштагига қадар қайтадиган бўлса, офсайд аниқланаётган вақтда у дарвоза чизиғи устида турган сифатида ҳисобланади.

Учрашувнинг асосий мавзулари, албатта, ўйинларнинг тоза вақтига ўтиш ва Арсен Венгернинг ўйиндан ташқари ҳолат қоидаси ҳақида бўлади. ФИФАнинг футболни ривожлантириш бўйича директори ҳужумчилар ҳимоячилардан кўра кўпроқ устунликка эга бўладиган ўзгаришни таклиф қилмоқда — ҳужумчи танасининг охирги қисмига қараб ўйиндан ташқари ҳолат аниқланади.