"Ал Наср" футболчиси Жалолиддин Машарипов "Пахтакор"га қайтиши мумкин.
Криштиану Роналдунинг трансферидан кейин 7-рақамини топширган футболчи ушбу мавсумда жамоанинг асосий футболчиси эмас. Клуб айни дамда унинг позицияси учун бошқа футболчи олиб келишни режалаштирмоқда. Олдинроқ тарқалган маълумотларга қараганда, Қатар термаси футболчиси Акром Афиф "Ал Наср"да айнан Машариповнинг ўрнини эгаллаши кутилмоқда.
Бу эса Жалолиддин Машариповнинг жамоадан кетишига сабаб бўлиши мумкин. Бир неча дақиқа олдин футболчи Инстаграмдаги профили расмини ўзгартирди ва "сторис"га ушбу расмни жойлади.
Ҳозирча Саудия Арабистони клуби Акром Афифнинг трансферини эълон қилганича йўқ. Аммо бу хабар якшанба куни маълум қилиниши кутилмоқда.