M.FUTBOLL.TV

Даврон Чориев: "Осиё чемпионатида бош мақсад фақат чемпионлик"

13.09.2022 20:17 Ўқилди: 1308

Ўзбекистон футзал терма жамоаси ўйинчиси Даврон Чориев бугун бўлиб ўтган Ироққа қарши ўртоқлик учрашувидан сўнг фикрлари билан ўртоқлашди.

"Бугунги ўйин кутилмаган бўлди. Ироқ терма жамоасини бунданда яхшироқ қаршилик кўрсатишини кутгандим. Бизда барчаси ўхшади. Мураббийларни кўрсатмаларини тўғри бажардик, деб ўйлайман. Хато ва камчиликлар йўқ эмас. Уларнинг устида ишлаймиз. Навбатдаги баҳсга тайёргарлик кўрамиз",- дейди Даврон Чориев.

- Ироқ ўйинини яхшилаганми?

- Мен кўрган охирги кўрган Ироқ терма жамоаси кучли эди. Рақиб сўнгги дақиқаларда катта куч билан ҳужумга ўтди. Таркибимизда ёшлар ҳам тўп тепганини айтиш жоиз.

- Маълум вақт терма жамоада кўринмадингиз. Айни пайтда ҳолатингиз қандай?

- Жароҳатимни даволадим. Жисмоний тайёргарликка эътибор қаратамиз.

- Жисмоний тайёргарлик бўйича испаниялик мураббий келди. Сизнингча бу кеч эмасми?

- Кеч ҳам, вақтли ҳам эмас. Худо хоҳласа Осиё чемпионатида бу мураббийнинг фойдаси тегишига ишонаман. Мусобақада бош мақсад фақат чемпионлик.

Жаҳонгир Файзуллаев суҳбатлашди