"Барселона" ва "Валенсия" ўзаро дарвозабон алмашадими?
18.06.2019 12:00 Ўқилди: 1072
Испаниянинг "Барселона" ва "Валенсия" клублари ўзаро киперларини алмаштиришга тайёр.
Бу ҳақда "superdeporte.es" нашри маълум қилди.
Хабар қилинишича, "кўршапалаклар" дарвозабони Нето Каталонияга йўл олади, Яспер Силлессен эса аксинча. Келишувга "кўк-анорранглилар" ярим ҳимоячиси Рафинья ҳам қўшилиши мумкин.
Молиявий фейр-плей сабаб "Валенсия" июнь ойи сўнггига қадар 25-30 миллион евро атрофидаги маблағга ўйинчи сотиши зарур. Нето 30 млн эвазига "Барселона"га ўтиши мумкин. "Валенсия" эса июлда Силлессенни айнан шунча суммага сотиб олади.