M.FUTBOLL.TV

ОФК кубоги-2022. “Сўғдиёна”нинг бугунги рақиби, икки ўзбекистонлик футболчи ўйнайдиган Қўчқор-Отанинг “Нефтчи” клуби ҳақида нималарни билиш керак?

24.06.2022 15:51 Ўқилди: 2376

Бугун “Сўғдиёна” клуби ОФК кубоги 1-тури доирасида Қирғизистоннинг “Нефтчи” клубига қарши майдонга тушади.

Мазкур баҳс олдидан жиззахликларнинг бўлажак рақиби борасида айрим маълумотларни эътиборингизга тақдим этамиз.

Қачон ташкил топган?
Қўчқор-Ота шаҳрининг “Нефтчи” клуби 1952 йилда ташкил топган. Клуб 70 йиллик тарихга эга бўлган жамоалардан бири ҳисобланади. Бироқ совриндор жамоалар тоифасига кирмайди. Асосий ютуқларидан бири сифатида икки маротаба Қирғизистон кубогини қўлга киритган. 2019 ва 2021 йилда кубок соҳибига айланган. 2010 йилда эса Қирғизистон чемпионатида зафар қучган. Суперкубок эгаси ҳисобланади.

Халқаро майдондаги иштироки:
Ўтган мавсумда жамоа ОФК кубоги саралаш босқичида иштирок этган. Тожикистоннинг “Хўжанд” клубига қарши ўтказилган уй ва сафар учрашуви орқали турнирдаги иштирокини эрта якунлаган. Ўз майдонида ғалаба қозонган, - 1:0. “Хўжанд”даги баҳсда имкониятни бой бериб қўйган, - 0:3.

Легионерлари:
Мазкур клуб сафида икки нафар ўзбекистонлик футболчи тўп тепади. Ҳимоячи Азамат Абдуллаев ва ҳужумчи Отабек Ҳайдаров. Абдуллаев “Пахтакор” клуби тарбияланувчиси ҳисобланади. “Динамо”, “Зомин” клубларида ўйнаган. Бир неча йиллардан бери “Нефтчи” шарафини ҳимоя қилиб келади. Ҳайдаров эса “Нефтчи”, “Қўқон-1912” ва “Турон”даги фаолияти билан яхши таниш.

Шунингдек, молдовалик дарвозабон, камерун ва беларуслик ҳужумчи ҳам бор. Бироқ камерунлик Лук Менджана мусобақа учун заявкага сиғмай қолди.

Жамоанинг умумий қиймати қанча?
Transfermarkt нашри “Нефтчи” клуби футболчиларининг умумий қийматини 2,87 млн евро дея баҳоламоқда. Энг қиммат футболчи Элдар Молдозҳусунов бўлиб турибди. Чап қанот ярим ҳимоячисининг трансфер нархи 225 минг еврони ташкил қилмоқда.

"Нефтчи" (Қўчқор-Ота, Қирғизистон) клубининг ОФК кубоги учун қайдномаси:

Дарвозабонлар:
Михаил Паюш (Молдова)
Артем Прядкин
Темирлан Апаз Уулу

Ҳимоячилар:
Азамат Абдуллаев (Ўзбекистон)
Тимур Мажидов
Аскарбек Салиев
Эсенбек Усон Уулу
Алмазбек Маликов

Ярим ҳимоячилар:
Арген Жуматаев
Давлятжан Баратов
Элдар Молдожунусов
Турсунали Рустамов
Элдияр Сардарбеков
Азамат Бектемиров
Аброрбек Аскаров
Аҳлидин Исраилов
Алимбек Абдакимов
Аброр Кидиралиев
Адилет Канибеков

Ҳужумчилар:
Отабек Ҳайдаров (Ўзбекистон)
Владислав Федосов (Беларусь)
Элдар Молдожунусов