23 июнь куни "Реал" жамоаси собиқ устози Зайниддин Зидан элликка кирди. Ота-онаси жазоирлик муҳожирлар бўлган юлдуз ҳақида кўп гапирганмиз. Бугун унинг футболдаги совринларини бир эслайлик, а?
Жаҳоннинг энг яхши футболчиси (1998). Жаҳон (1998) ва Европа (2000) чемпиони. Европа Чемпионлар Лигаси кубоги (1996, 2002), Суперкубоги (1996) ва қитъалараро кубок (1996) соҳиби.
Ўйнаган жамоалари: Франциянинг «Канн» (1986 — 92), «Бордо» (1992—96), Италиянинг «Ювентус» (1996—2001) ва Испаниянинг «Реал» (2001 й. дан) клублари таркибида ўйнади. Италия чемпиони (1996, 1997).
Марсель кўчаларида дайдиб улғайган юлдузни буюк қилган кўп эҳтимол - характери. Мағрур характери. У футболга бошқа ўлчовларни улашгани билан-да ажралиб туради. Ташқи кўриниши юлдузларга хос бўлмаган, рақам танламаган, интервьюни хуш кўрмаган, ғалабадан сўнг сармаст бўлмаган, доимо бир хил тура олган. Бу осон иш эмас. Айниқса, мухлисларнинг ёқимтойи даражасига чиққанларга.
Зиданни 10-рақамлилар ичида юқори ўринларга қўйган эдик бир. Таажжуб уйғотар балки, аммо рақамга умуман эътибор бермайдиган, клуб омборхонасида қайси рақам бўш бўлса кийиб кетаверадиган Зидан терма жамоаси таркибида 10-рақамда порлаган. Унинг “Ювентус”даги 21и ҳам, “Реал”даги 5и ҳам машҳур, бироқ Зайниддин бор муваффақиятларини биз ҳикоя қилаётган бобда нишонлаган.
Зидан Платини бошлаб берган Франция футболидаги уйғонишни инқилоб даражасига олиб чиқди. Аср бошларида бу юрт футболига қарши туриб бера оладиган жамоа ер юзида қолмаганди. Чунки унинг таркибида қўрқинчли Зизу бор эди. Буюк футболчи ватани шарафини шу қадар муносиб ҳимоя қилдики, унинг охирги ўйинидаги хурмача қилиғи ҳам кечириб юборилди. Дарвоқе, ўша куни Зидан қайси рақамда эди?!
Зайниддин яхши футболчидан яхши мураббий чиқишини ҳам исботлади. “Реал” билан уч йил содир этган воқеаси футболчилигига ҳам орзудир. Ҳаммага орзу. Лекин оддий ҳолдек кузатиб туришлари кўпчиликни ажаблантиради. Ахир, у майдондаёқ даҳо эди, ундан ташқарида ҳам шундай қола олди. Круифф ва Беккенбауэр йўлидан кетди. Aжойиб!
Хайрулла Ҳамидов
![]() | 22.06.2022 23:34 Ўқилди 606 Рўзиқул Бердиев: "Бугун бундан ҳам ёмонроқ натижа қайд этилиши мумкин эди" |
![]() | 24.06.2022 15:00 Ўқилди 375 Спортни ривожлантириш вазирлигида Аргентина элчиси билан учрашув бўлиб ўтди |
![]() | 23.06.2022 03:17 Ўқилди 219 Европа футболида жамоасиз қолган номдор футболчилар |
![]() | 24.06.2022 21:17 Ўқилди 207 SportUz.Net: Муроджон Аҳмадалиевнинг жанги трансляцияси, Конор Макгрегорни танқид қилишди ва бошқа хабарлар |
![]() | 22.06.2022 13:17 Ўқилди 198 Про лига. 13-тур учрашувлари расмийлари |
![]() | 26.06.2022 21:17 Ўқилди 195 Суперлига. АГМК — "Насаф" 0:1 (матнли трансляция) |
![]() | 27.06.2022 07:51 Ўқилди 195 ОФК Кубоги. “Сўғдиёна” бугун ЦСКАга қарши ўйнайди |
![]() | 24.06.2022 19:00 Ўқилди 189 ОФК Кубоги. "Сўғдиёна" - "Нефтчи" (Қирғизистон) (матнли трансляция) |
![]() | 26.06.2022 19:51 Ўқилди 183 "Бавария" Альбанинг ўринбосарини "Барселона"дан олиб кетишга тайёр |
![]() | 24.06.2022 15:51 Ўқилди 183 ОФК кубоги-2022. “Сўғдиёна”нинг бугунги рақиби, икки ўзбекистонлик футболчи ўйнайдиган Қўчқор-Отанинг “Нефтчи” клуби ҳақида нималарни билиш керак? |