U-20 жаҳон чемпионати. Бугун Жанубий Корея ўйнайди
08.06.2019 16:21 Ўқилди: 1095
Польшада бўлиб ўтаётган U-20 жаҳон чемпионатида бугун чорак финал учрашувлари ўз якунига етади
Кеча бўлиб ўтган иккита ўйиндан сўнг мусобақанинг дастлабки икки ярим финалчиси маълум бўлди. Италия ва Украина ёшлар терма жамоалари ўз рақибларини мағлуб этиб, 1/2 финалга йўл олишди.
Бугун бўлиб ўтадиган яна иккита ўйиндан кейин навбатдаги икки ярим финалчи ҳам аниқ бўлади. Бугун АҚШ Эквадор билан куч синашса, кичик жаҳон чемпионатидаги иштирокини давом эттираётган Осиёнинг ягона вакили Жанубий Корея Сенегалга қарши баҳс олиб боради.