M.FUTBOLL.TV

Фоторепортаж: Андижонда тижорат банклари ўртасида Вилоят ҳокими Кубоги мини-футбол мусобақаси якунига етди

04.03.2019 13:00 Ўқилди: 2251

Спорт кишининг соғлиги ва самарали меҳнат қилиши учун катта куч бериши ҳаммага аён.

Андижонда спортнинг барча турлари, айниқса футболни оммавийлаштириш бўйича ташкил қилинаётган тадбирлар аҳоли ва ишчи-хизматчилар ўртасида “миллионлар ўйини”га бўлган қизиқишини оширмоқда.

Андижон вилоят футбол ассоциацияси, вилоят Марказий банк бошқармаси билан ҳамкорликда банк ходимлари ўртасида соғлом турмуш тарзини тарғибот қилиш учунспорт тадбири ташкил қилди.

Вилоятда ўтказилаётган оммавий спорт ойлиги муносабати билан 16 февраль- 3 март кунлари мини-футбол бўйича вилоятда фаолият юритаётган тижорат банклари ўртасида вилоят ҳокими кубоги мусобақасиўтказилди.

Мусобақада 16 тижорат банклари 4 гуруҳга бўлинган ҳолда шаҳардаги Андижон вилояти футбол ассоциацияси мини-футбол аренасида куч синашдилар.

3 март куни мусобақанинг финал ўйини ва тантанали ёпилиш маросими бўлиб ўтди.
Финал мусобақасида ўз гуруҳида барча рақибларини енгган Агробанк АТБ ва Ҳамкорбанк АТБ жамоалари куч синашиб, кўплаб тамошабинлар иштирокида бўлиб ўтган ўйинда Ҳамкорбанк ходимларидан тузилган жамоа ғалаба қозонди.

Мусобақанинг тантанали ёпилиш маросимида сўз олган Андижон вилоят футбол ассоциацияси биринчи вице-президенти Бекзодбек Каримов ҳамда вилоят Марказий банк бошқармаси раҳбари Элёрбек Усмоновлар турнирда фаол иштирок этган жамоаларга ўз миннатдорчилигини билдирдилар. Турли йўналишларда ўзини намоён этган ҳаваскор футболчиларга алоҳида совғалар берилди.

Совриндор жамоаларга медаллар ва мукофотлар билан тақдирланиб, ғолиб Ҳамкорбанк жамоасига вилоят Марказий банк бошқармаси раҳбари Элёрбек Усмонов томонидан кубок топширилди.

Элмурод Эрматов, Андижон