M.FUTBOLL.TV

Таиланд. Филипосян жамоаси иккинчи турда ҳам ғалаба қозонди

04.03.2019 07:42 Ўқилди: 1878

Ҳамюртимиз Артём Филипосян Таиланд чемпионатида тўп тепаётганидан хабарингиз бор.

Куни куча ушбу мамлакатда мавсумнинг 2-тур беллашувлари бўлиб ўтди. Самарқандлик ҳимоячи Артём Филипосян Таиланд юқори дивизионининг “Прачуап” клуби шарафини ҳимоя қилмоқда. Эътиборли томони ушбу жамоада ўзбекистонлик футбол ишқибозларига яхши таниш бўлган Аднан Ораховац ҳам тўп тепмоқда.

Шанба куни Таиланд чемпионатида 2-тур баҳслари ўтказилиб, “Прачуап” клуби “Районг”ни 2:0 ҳисобида мағлуб этди. Учрашувда Филипосян тўлиқ 90 дақиқа ҳаракат қилди ва ўйиннинг энг яхши футболчисига айланди.

-Таиланд чемпионатида беллашувлар ҳақиқатан ҳам жуда шиддатли кечаркан,-дейди Филипосян. – Кўпчилик жамоаларда бразилиялик легионерлар бор. Улар юқори савияда тўп тепишмоқда. Албатта, бу ерда ҳаво бизга нисбатан иссиқ, намлик юқори. Шунга қарамай муҳитга мослашиб кетдим, деб айта оламан.

Айни пайтда Филипосян тўп тепаётган “Прачуап” икки турдан сўнг олти очко жамғариб, турнир жадвалида “Самут Пракан Сити” жамоаси билан қўшҳокимлик ўрнатган.

“Прачуап” навбатдаги турни 10 март куни сафарда “Бурирам Юнайтед”га қарши ўтказади.