M.FUTBOLL.TV

Бир неча кун олдин бўлиб ўтган 2та "Эл-Классико"дан сўнг "Барселона" ўз кучига янада ишона бошлайди. Чунки Каталония клуби Испания Кубоги ярим финалида "Реал"ни мағлуб этиб, финал йўлланмасини қўлга киритди. Бундан ташқари баъзи муҳим футболчилар жароҳатидан қутилишди. Эътиборингизга ушбу жамоаларга оид сўнгги маълумотларни тақдим этамиз.

"Реал"

- Серхио Рамос яна "Реал" сафида майдонга тушиши мумкин. У "Леванте"га қарши баҳсда қизил карточка олиб, дисквалификация қилинганди.

- Начо сариқ карточкалар кўпайиб кетгани учун бугун майдонга тушмайди.

- Сантьяго Солари "Барселона"га қарши бўлиб ўтган Испания Кубоги баҳсидаги таркиб деярли ўзгаришсиз қолади. Фақат дарвозабон Тибо Куртуа Кейлор Навас ўрнини эгаллайди.

"Барселона"

- Бразилиялик ярим ҳимоячи Артур жароҳатидан қутилди, аммо мураббийлар штаби таваккал қилмаслик учун уни захирада олиб қолиши мумкин.

- Нелсон Семеду "Реал"га қарши баҳсда Винисиусни яхши қўриқлагани туфайли бугун асосий таркибда бўлиши кутилмоқда.

- Самуэль Юмтити Клеман Лангле ўрнини эгаллаши кутиляпти.

Тахминий таркиблар

"Реал": Куртуа, Регуилон, Рамос, Варан, Карвахаль, Кроос, Касемиро, Модрич, Винисиус, Бензема, Васкес.

"Барселона": Тер Штеген, Альба, Умтити, Пике, Семеду, Ракитич, Бускетс, Роберто, Дембеле, Суарес, Месси.

Ўйинга оид қизиқарли маълумотлар

- "Барселона" ЛаЛигадаги сўнгги 12та ўйинининг 10тасида ғалабага эришди

- "Барселона" "Реал"га қарши ўтказган меҳмондаги сўнгги 6та учрашувнинг 5тасида камида 3та гол урган

- "Реал"нинг ЛаЛигадаги сўнгги 5та ўйинида камида 3тадан гол киритилган

- "Реал" ЛаЛигадаги сўнгги 7та учрашувнинг 6тасида ғалаба қозонди

- "Реал" Испания чемпионатидаги охирги 7та ўйиннинг 5тасида биринчи таймда ғолиб бўлган ва баҳсни муваффақият билан якунлаган

- "Барселона" "Реал"га қарши ўтказган меҳмондаги сўнгги 6та ўйиннинг 5тасида ғалаба қозонган